Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Editorial -
Brezhoneg e-pad an hañv : furchit e gouelioù ar vro !

Alies, e touez ar re a youl-vat, e vez kavet brezhonegerien

Fanny Chauffin pour ABP le 24/07/11 0:29

E Kloar e vez komzet brezhoneg nebeutoc'h eget e Kreiz Breizh. Koulskoude, e-pad ur gouel aozet gant Diwan dec'h da noz, e c'helle an dud komz brezhoneg gant Lili Monfort, perc'henn ar c'harr bras kaset gant ur jav o tont eus Alamagn, graet en Arzhanaou. Mestr "Haras de Cotonnard", deuet eo da vezañ Lili unan eus tud pouezus ar vro. Paotr ar saout gwechall, e lamme war gein ar c'hezeg, dibr ebet ha brid ebet ganto. Chomet eo ur paotr leun a fent.

Goude-se e oa moaien deoc'h da brezeg eus festival an Oriant gant Daniel Miniou, soner biniou, hag aozer meur a fest-noz er vro, ha paotr ar sono evit gouel Diwan.

Gant Lea Rouzig, e penn kelc'h "Gavotenn Lanijen", e oa brezhoneg Lokunole a oa bet komzet deoc'h.

Jo, dañser kelc'h Lanejen, a gomze ur brezhoneg flour ivez.

Bugale ? Ur bern, plac'hig kelc'h Kloar, ur plac'hig o klask rentañ servij d'he mamm, paotred yaouank kleub gouren Kemperle, holl vrezhonegerien anezho.

Evit kemer moneiz ar gouel ? 'oa ken 'met goul' e brezhoneg gant Regine Guillemot, ampart e yezh Breizh vihan ha Breizh-Veur. Er stal krampouezh e veze kavet deraouidi, brezhonegerien a-vihanik ivez, kelennerien kentelioù noz, ha kanerien evel Anne-Marie Colomer, Silvi ...

Ha war al leurenn ? Maurice Morlec, dastumet gantañ ur bern tonioù a Gloar. Jean Billon ha Gi Penseg, kanerien kan ha diskan, ne gomzont morse galleg etreze. Sonerien biniou bombard a oa bet kalzik ivez : Pouleriguen, plijet gant ABP hag a oar ur bern traoù diwar-benn kudennoù bed al labourerien-douar a gomz brezhoneg Langonned, Salvar, talabarder, brezhoneg eus Tremeven.

Brav eo komz brezhoneg e-kerzh gouelioù ar vro ...

Voir aussi :
mailbox
Cet article a fait l'objet de 1067 lectures.
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 5 multiplié par 4 ?