Adalek 1982, an emvod meur lazioù-kanañ brezhonegerien a zav bep bloazh en ur ger diseñvel er Vro. Choazet 'vez al lazioù-kanañ a gemer perzh etre an izili Kanomp Breizh, a zo kevread lazioù-kanañ Breizh.

D'ar Sul 6 a viz kerzu a vo ar 28vet Breizh A Gan en iliz-veur Landreger.

Adalek 1982, an emvod meur lazioù-kanañ brezhonegerien a zav bep bloazh en ur ger diseñvel er Vro. Choazet 'vez al lazioù-kanañ a gemer perzh etre an izili Kanomp Breizh, a zo kevread lazioù-kanañ Breizh.

Er-bloazh-mañ a gemero perzh lazioù-kanañ : Allah's Kanañ, Gwalarn Uhel, Gwitalmeze Kanerien Ar Goëlo, Sant-Ke Porzh-Olued, Awel Dreger, Pleuveur-Bodou C'hoant n'eus Kevread Kanomp Breizh da lak mouezhioù yaouank kemer perzh er sonadeg, setu perak 'vo pedet Mestroniezh Lannuon, renet gant Jean-Marc Kernin.

Ur programm eus tonioù hengounel e brezhoneg, hag eus krouedigezhioù a-vremañ 'vo kinniget d'ar public, hag evit echuiñ, an oll 250 kaner 'vo bodet evit abadenn-diwezhañ ar sonadeg.

Sonadeg da 3eur ba' Iliz Veur Sant Erwan.

Mont-e-barzh : 10 € / 8 €, digoust dindan 12 vloazh.

Evit izili lazioù-kanañ Kanomp Breizh ha Kendalc'h : 8 €

Kevread Kanomp Breizh : kanompbreizh@wanadoo.fr

06 32 29 79 29

Le Guillou Armelle pour Fédération Kanomp Breizh
28 septembre 2009
08:29:00 — modifié le 16/2/2026 22:25
Krouet eo bet Kevread Kanomp Breizh gant renerien al lazioù-kanañ a gan e brezhoneg, a oa izili kommision Kan Kendalc’h. Ganet eo bet dre voloñtez ar c’hengevread ha d’ar c’hompozer René Abjean, ha gant sikour rannvro Breizh. Ezel eus Kuzul Sevenadurel Breizh eo Kanomp Breizh.
Lazioù-kanañ pemp departamant Breizh ‘vez bodet e Kanomp Breizh. Hor pal a zo kas war raok ar c’han e brezhoneg, hengounel hag a-vremañ, el lazioù-kanañ.
Karget eo neuze Kanomp Breizh da zerc’hel bev tonioù hengounel e brezhoneg, met souten a ra ivez komponerien ar vro da grouiñ oberennoù nevez evit lazioù-kanañ.
Sikour a ra ivez da vrudañ ar c’han e brezhoneg evit tud a bep oad hag a bep lerc’h, e Breizh pe en diavaez.