Bilañs distro-skol 2009 ar c'helenn divyezhek

- Communiqué de presse -

Dre-vras eo bet gwelloc'h an distro-sol er bloaz-mañ evit an deskadurezh divyezhek. Gant ur c'hresk a 6,1% eo tremenet niver a vugale en-tu all da 13000. Eil keloù mat :

Visant Roue pour Office de la Langue Bretonne 44 le 23/10/09 2:14

Dre-vras eo bet gwelloc'h an distro-sol er bloaz-mañ evit an deskadurezh divyezhek. Gant ur c'hresk a 6,1% eo tremenet niver a vugale en-tu all da 13000. Eil keloù mat : digoret ez eus bet skolioù e pep hentad hag en holl departamantoù. Kresk Diwan er skolioù-mañ peurgetket (8,2%) zo eus ar c'hentañ. Ar c'hresk brasañ eo e-touez an holl hentennoù.

Koulskoude, n'eur ket sur e c'hallo an adlañs kresk-se bezañ kadarnaet er bloavezhioù da zont. E Breizh n'eo ket frammet a-walc'h diorren kinnig an deskadurezh divyezhek.

Karget ma vo eus ar politkerezh yezh publik e c'hallo ar benveg nevez a vo krouet evit ar yezh e 2010 bezañ un digarez brav da frammañ ar c'hinnig hag evel-se kregiñ da adc'hounit yezherien tamm-ha-tamm.

Evel bep bloaz eo bet embannet gant Arsellva an Ofis e studiadenn diwar-benn emdroadur ar c'helenn divyezhek. 6 lec'h nevez zo bet digoret evit a sell ouzh ar skolioù-mamm (3 a oa bet e 2008). 2 zo deuet gant rouedad Diwan e Rianteg (56) ha Savenneg (44), 2 gant an deskadurezh publik e à Pleuzal(22) ha Banaleg (29) pa'z eus bet digoret hentadoù gant an deskadurezh katolik e Lokmaria (35), Ploneour-Lanwern (29) ha Noal-Pondi (56) en ur serriñ lec'hiad Plouvien (29). En 2l derez n'eus bet nemet un digoradur (e Langedig en ur skolaj katolik) met an niver a skolajidi zo kresket a 10,45% memes tra (80% eus ar skolidi zo er 1añ derez atav). Un eil dra a verk an distro-skol : da gêr 1añ Breizh eo aet Roazhon evit an niver a skolidi divyezhek bremañ (574 anezho). Gant 748 skoliad ouzhpenn ez eo gwelloc'h distro-skol 2009 eget warlene enta. Padal, pa geñverier emdroadur ar c'helenn divyezhek e Breizh ouzh hini Elzas pe hini Euskadi e teu war wel ez a an diforc'h war gresk. Kement-se n'hall ket bezañ displeget hepken gant istor disheñvel pep bro. 1800 skoliad ouzhpenn zo en Elzas e 2009 hag en ur gêr vras evel Strasbourg ez eus bremañ 13 lec'h divyezhek publik (pa'z eus unan e Brest ha 2 e Roazhon). En Euskadi e vez kinniget ar c'helenn divyezhek er pep brasañ eus ar skolioù bremañ (54% e-skoaz 6% e Breizh). N'haller nemet stadañ emañ Breizh o tapout dale muioc'h-mui e keñver akademiezhioù all. Frammetoc'h eo programmadur kinnig ar c'helenn divyezhek eno. Er c'heñver-se ez eo krouidigezh ar framm publik nevez evit ar yezh un degouezh istorel evit an amzer da zont.

Evit gouzout hiroc'h pellgargit an teul kevret bet savet gant Arsellva ar brezhoneg.

16431_2.pdf . Source :

Gwelout pennadoù all Office de la Langue Bretonne 44

Vos 0 commentaires :

Commenter :

Put your name here

ABP

Embann

Nous suivre