Bed tud an dezerzh kontet gant Paskal Hervio

- Présentation de livre -

Romant kentañ : an dezerzh dizoloet gant ur paotr yaouank

Fanny Chauffin pour ABP le 25/10/11 22:34

Un istor plijus, kontet gant Paskal Hervio eo "Tamasheq !". Un digarez da zizoleiñ an dezerzh, e istor, ha planedenn un den yaouank deuet da welout e vamm a zo aet da labourat e bro an Douareged a gomz tamasheq. Setu ur pennad tennet eus al levr :

Ur pennad mat a amzer e chomjont asambles distok diouzh ar gamperien all. A-bell e voe klevet trouz ha komzoù feuls kenetrezo... E-keit-se he doe Rozenn amzer da gontañ he c’hejadenn gant Alioune ha Yagi, ar baotred eus Bro-Ghana.

Alioune en doa lavaret d’e vamm : “Mamm, da “vodou-modou” e rankan mont, da glasker-labour en Europa kea ! Kozh eo Tad. Abaoe tregont vloaz eo ret dezhañ pourvezañ da ezhommoù ar familh a-bezh. Ni a zo ouzhpenn hanter-kant bremañ... Re a vegoù am eus da vevañ. Ne c’hellan ket chom amañ ken ! Diaesoc’h-diaesañ eo kaout ur viza evit un den hep tamm paper testeni eveldon. Ret e vo din mont kuit e-kuzh gant ur rouedad a dreizherien”. Gwerzhet he doa mamm Alioune he bravigoù da baeañ beaj he mab...

Yagi a oa ur paotr hag a selaoue ar merc’hed yaouank : “Aet eo ar gwir wazed da labourat en Europa. Dont a raint en-dro gant kirri brav hag arc’hant bras da sevel tiez kaer evit o familh, da brenañ boued ha dilhad, da baeañ ar skolioù hag ar vedisined... Ar re a chom er vro a zo tud didalvez anezho. Na chom ket amañ, Yagi ! Amañ e ranki bevañ gant daou euro bemdez nemetken. “Tekki mba torokh !” Kae kuit... Dont a raio brav ganit... peotramant e chomi gwalleürus ! Kae kuit d’an Europa, Yagi !”

An Douareged a gemere o ebat o selaou ar gazetennerez. Ne gomprenent ket penaos e c’hellje gwazed zo divroañ hag en em vezhekaat er mod-se evit merc’hed c’hoantek... Ne ziskouezent kaout netra nemet dismegañs evit ar C’hhanaiz-se.

Sellout a reas Fili ouzh an den nevez erruet gant Rozenn. O tostaat edo ouzh ar strollad bodet en-dro dezhi.

Tamasheq, Paskal Hervio, Keit Vimp bev

Priz ar Yaouankiz, live 6vet/Pevare

5 euro

Tamasheq !, Paskal Hervio, Keit Vimp bev

Priz ar Yaouankiz, live 6vet/Pevare

5 euro

Voir aussi :

Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Lennegezh dre skrid ha dre gomz : ne c'heller ket komz brav hepti ! par Kerne Multimédia le 25/09/2017
Lennegezh bro Skos : Walter Scott par Kerne Multimédia le 06/08/2017
Kemper. Kafedi Lennegezh : Ar Sketla Segobrani, d'an 3 a viz Kerzu par Kevredigezh Vrezhon le 24/11/2016
Kafedioù Istor, lennegezh ha yezh 2016-2017 e Kemper par Kevredigezh Vrezhon le 16/10/2016
Barzaz Breiz e Maner Kernot : lennegezh Breizh e dilhad Sul par FC le 13/11/2015
Les fées ont une histoire, avec Claudine Glot par FC le 07/03/2015
Lennegezh Breizh hag an dour en Alre par FC le 02/03/2015
An dour en-dro d'an inizi en Alre par FC le 01/03/2015

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre