Bastian Guillou, un aozer filmoù leun a fent gwriziennet er vro !

- Dépêche -

Labourat a ra evit Frañs3 abaoe ur pennadig amzer dija. Ur souezhadenn eo bewech evit ar selaouerien pa vez ur film nevez o tont er maez. Ar wech-mañ e oa bet diskouezet e film diwar-benn uzin Gwerleskin.

Fanny Chauffin pour ABP le 10/11/10 16:06

Piti, Piti, Piti ... Chou ! Diskouezet eo bet ar film-se da gentañ, ur film diwar benn lazh-ti kig yer Gwerleskin. Ur sell divergont a-walch, etre gwirvoud ha faltazi, o kregiñ gant mouezh Bastian a zo o tibuniñ, evel an aotrou person, listenn an dud a vez trugarekaet gantañ.

Diposubl eo bet dezhañ da zont e-barzh an uzin, implijet eo bet skeudennoù bet filmet 18 vloaz zo gant Frañs 3. Neuze, aterset eo bet gantañ plac'h ar CGT, leun a fent, met lakaet diaes pa oa ret dezhi displegañ penaos e oa bet skarzhet en un taol 100 implijiad war 250 e 2006, hep bezañ kelaouet.

Mont a reont asambles d'ar vered, dirak bezh ul labourerez marvet goude ur c'hleñved hir, ha tremen a reont diseblant dirak bez an aotrou Jakez Tilly, mestr al lazh-ti ha maer Gwerleskin e-pad pell.

Diaes ar vuhez b'ar vro dilabour, met memestra e chom nerzh gant bugale ar film, hag e vez komprenet n'eo ket dre ret un dazont brav a vez kaset gant seurt labouradegoù... Bremañ eo bet adnevezaet an uzin gant UNICOPA, e penn emañ an aotrou Sauvaget bremañ.

A liesseurt e vez kavet gant oberennoù filmet paotr bras ar C'houerc'had : istorioù artizaned, ur boser yaouank, ur c'houblad dall, hag ur film hiroc'h diwar ar mestr-kaner, an aotrou Marsel Gwilhou, met atav e vez kavet ar denerigezh don a zo evit an dud hag evit ar vro. Hag evit ur yezh saourus, gant ur mousc'hoarzh ne guit paotr bro Gallag james!

Voir aussi :

Filmoù-berr ha teulfilmoù da welet er mare-mañ war Brezhoweb par BREZHOWEB le 15/10/2020
Faltazi festival : filmoù e brezhoneg, ha filmoù produet e Breizh par Kerne Multimédia le 17/07/2020
Filmoù e brezhoneg par Blaz produktion le 30/01/2020
Filmoù ar Redadeg : plijus ha fentus hepken ? par Kerne Multimédia le 05/10/2017
Sardin Aour filmoù chakod : "Dihun", gant Roderig par Kerne Multimédia le 11/04/2017
Nozvezh ar gavotenn : filmoù, stajoù, ha plijadur par Fanny Chauffin le 15/09/2016
Filmoù liseidi eilvet : seizh film berr par Taol Kurun le 13/07/2014
Breizh Touch... Filmoù bevaat ! Films d'animation en breton par Div Yezh Bruz le 02/12/2013
10 vet troiad filmoù-bevaat e brezhoneg par Daoulagad Breizh le 16/01/2013
35ème du Festival du Cinéma de Douarnenez (Gouel ar Filmou) par Gwenaelle Pelliet le 09/08/2012

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre