Baleadenn Stajidi 6 miz Pol Brezhoneg Skol An Emsav e Naoned

Dizoloiñ unan deus kerioù-penn Breizh e brezhoneg sed aze ar pezh zo bet graet gant un ugent stajiad bennak deuet eus Roazhon betek an Naoned d'ar gwener 13 a viz C'Hwevrer. Boulc'het o doa d'ober tro ar brezhoneg e 180 devezh e deroù miz Genver e Pol brezhoneg Skol An Emsav e Roazhon, evit cheñch deus ar c'hentelioù ha gwelet e c'heller bevañ e brezhoneg e kerioù bras all ar vro e oant bet kaset da zizoloiñ kreiz-kêr Naoned. Degemeret e oant bet gant izili burev Kentelioù An Noz, kaset gante betek kastell an duked (gweladennet e brezhoneg a-drugarez da selaouelloù e yezh ar vro), a-raok mont da zebriñ asambles, ha derc'hel gant tro ar c'hreiz kêr istorel. N'eo ket souezhus kement se e klaskfe frammoù evel Pol Brezhoneg Skol An Emsav ha Kentelioù an Noz da dostaat an eil eus egile. Hervez Ofis ar Brezhoneg ez eo en div gêr-se e kaver ar muiañ a dud enskrivet e-touesk an oadourien evit deskiñ brezhoneg. An hevelep ezhommoù sokial zo evit an deskidi, dav eo respont d'an diouer a vrezhonegerien a-vihanik , d'an diouer a vrezhoneg er mediaoù, terriñ raksoñjoù a zalc'h da liammañ ar brezhoneg gant Breizh-Izel hepken pa ne vez ket gant ar vuhez diwar ar maez, ha kavout digarezioù evit krouiñ emgavioù ha rouedadoù etre an dud a gomz pe a glask komz brezhoneg. Setu perak moarvat ez eus raktresoù boutin all etre an daou framm. Daou staj brezhoneg a vo kinniget gant Pol brezhoneg Skol An Emsav ha Kentelioù An Noz e miz Gwengolo hag Here da zont, e savadurioù Yezhoù ha Sevenadur e Sant Ervlan. Gellout a ray an dud heuliañ e-pad 35e ar sizhun stajoù live 0,1 ha 2 evit mont war-raok e brezhoneg ha kement mañ e-doug stajoù micherel (gant gratadur ar stummadur dibaouez). D'ur mare ma komzer muioc'h mui deus an darempredoù a vo moarvat stankoc'h etre Roazhon ha Naoned ez eo poellek a-walc'h ar c'henlabour nevez mañ.

Skol An Emsav : (voir le site)

Kentelioù an Noz : (voir le site)

• Des cours de breton sur Youtube pour les anglophones... et pour tous par Philippe Argouarch le 04/10/2021
• Reprise des cours de Breton par Kerlenn Sten Kidna le 07/09/2018
• Campagne de promotion pour les cours de breton aux adultes par Office Public de la Langue Bretonne / Ofis Publik ar Brezhoneg. (OPLB / OPAB) le 09/09/2015
• Reprise des cours de breton à Vannes 2015 par Kelc\\\'h Sevenadurel Gwened le 04/09/2015
• Reprise des cours de breton - inscription par NEVEZ AMZER le 28/08/2015
• Distro-skol ar c'hentelioù-noz : rentrée des cours de breton à Quimperlé par FC le 20/08/2015
• Kentel vrezhoneg war an aod disadorn - Cours de breton samedi sur la plage par Ai\'ta ! Kreiz Breizh le 05/08/2015
• Reprise des cours de breton à Ploufragan par NEVEZ AMZER le 01/09/2014
• Des cours de breton en Loire-Atlantique avec Kentelioù an Noz par Kentelioù an Noz le 27/08/2014
• Les cours de breton à Quimperlé : rentrée le 9 septembre par Taol Kurun le 22/08/2014