Argasadeg ar Romed, lamidigezh ar vroadelezh gall : Nann d'ar c'hlanidigezh etnikel

- Communiqué de presse -

Breudeuriezh Drouized, Barzhed hag Ovizion Breizh. Ar ger « communautarisme » a vez graet gantañ alies gant lod eus aduidi nemeto ar mennozioù republikan da gas da get oberiantiz strolladoù sevenadurel, relijius pe etnikel ha mirout ouzh ar strolladoù-se ma vefe gounezet gwirioù ganto.

Ludovic Louboutin Par Gorsedd de Bretagne le 1/09/10 22:44

Kemper d'ar 26 a viz Eost 2010

Kemennadenn eus Gorsedd Breizh : Breudeuriezh Drouized, Barzhed hag Ovizion Breizh

Ar ger « communautarisme » a vez graet gantañ alies gant lod eus aduidi nemeto ar mennozioù republikan da gas da get oberiantiz strolladoù sevenadurel, relijius pe etnikel ha mirout ouzh ar strolladoù-se ma vefe gounezet gwirioù ganto. Peget e vez seurt skritell ouzh kein difennourien yezh ha sevenadur Breizh.

Oberiantiz ar strolladoù tud-se ha pa vefe kaset da benn e framm ar stourm demokratel, a vez tamallet dezhi memes tra lakaat en arvar unvaniezh ha dirannadusted ar Republik.

Goursez Breizh, Breudeuriezh Drouized, Barzhed hag Ovizion Breizh, kevredigezh preder dengar, a felle dezhi sachañ evezh an dud war an traou gwirion evel m'emaint a-eneb d'ar sorc'hennoù filozokel skignet gant aduidi nemeto ar Republik.

Evit gwir emañ pennaenn ar wallziforc'h e lein ar Stad republikan. Klask a ra al lein-se ober un diforc'h etre an dud dezho ar vroadelezh gall, ar pezh a zo control d'ar mellad kentañ eus al Lezenn Diazez.

Gwashoc'h c'hoazh : dibabet o deus renerien ar Republik gall skeiñ gant ur strollad etnikel ispisial, d.l.e ar Romed, anezho koulskoude sitoyaned eus Europa evel ar C'Hallaoued.

Ar c'hreskadur-se en euzhusted a deu war lerc'h an aergelc'h mougus skignet gant an diviz diwar benn idantelezh broadel Bro C'Hall

Dija o deus graet ar c'hazetennoù en estrenvro gant « glanidigezh etnikel » (« ethnic cleansing ») eus politikerezh ar Gournamant gall.

Goursez Breizh a sav a enep fallaenn ar gouarnamant war ar surentez, blaz ha c'hwez ar ouennelouriezh warni. Klask a ra hor renerien e giz se kuzhat an trabasoù a zo ouzh o c'hrignat ha c'hwitadenn o folitikerezh sokial hag ekonomikel. Gelver a ra ar C'Hoursez da gemer perzh er manifestadegoù aozet gant Kevre Gwirioù Mabden d'ar 4 a viz gwengolo da skouer.

Evit ar C'Hoursez, Per Vari Kerloc'h

Drouiz Meur Breizh

plg : 06 07 77 15 89

19632_2.pdf Kemennadenn eus Breudeuriezh Drouized Barzhed hag Ovizion Breizh a-enep ar c’hlanidigezh etnikel. Kemper d'ar 26 a viz Eost 2010.. Source : Goursez Breizh

Voir aussi :

La dérive totalitaire de la société française par Yvon Ollivier le 02/12/2023
Une nouvelle émission en breton consacrée aux jeux de société ! par BREZHOWEB le 13/10/2023
Menhirs détruits de Carnac : un sujet surtout symptomatique de notre société par UDB le 10/06/2023
L'état du gallo aujourd'hui - Magazine de société en gallo par Galoweb le 14/07/2022
Le premier magazine de société en gallo vient d'être filmé début juillet par Galoweb le 05/07/2022
Des jeux de société sur les cinq départements bretons par Qhu Bllanc le 01/11/2021
Avis de constitution de la société Breizh Vélo par Breizh Vélo le 09/04/2019
Motion votée au congrès de Châteaulin : S’inspirer des bons exemples européens pour démocratiser la société par UDB le 21/11/2018
Communauté et société par JPLM le 29/06/2018
Présentations publiques du webdocumentaire « Autour de mai 68 en Bretagne, une société en mutation (1958-1981) » par Bretagne Culture Diversité le 10/04/2018

Gorsedd Breizh : Breudreurieuzh Drouized, Barzhed hag Ovizion Breizh, savet e 1899.
Fraternité des Druides, Bardes et Ovates de Bretagne, fondée en 1899.

Gwelout pennadoù all Gorsedd de Bretagne

Vos 0 commentaires

Commenter :

Put your name here

ABP

Embann

Nous suivre