Arabat butunat / Interdit de fumer

Ur benveg evit doujañ d'al lezenn nevez Da-heul an dekred votet d'ar 15 a viz Du 2007 eo difennet groñs d'an dud butunat el lec'hioù foran (embregerezhioù, savadurioù ar velestradurezh, skolioù). Astennet eo bet ar berz-se, abaoe ar 1añ a viz Genver 2008, d'an ostalerioù, ar pretioù ha kement lec'h

Ur benveg evit doujañ d'al lezenn nevez

Da-heul an dekred votet d'ar 15 a viz Du 2007 eo difennet groñs d'an dud butunat el lec'hioù foran (embregerezhioù, savadurioù ar velestradurezh, skolioù). Astennet eo bet ar berz-se, abaoe ar 1añ a viz Genver 2008, d'an ostalerioù, ar pretioù ha kement lec'h darempredet a zo. E 2006 e oa bet embannet gant Ofis ar Brezhoneg ur pegsun « Arabat butunat » c'hoazh. Brudet e oa bet war hol lec'hienn. Talvoudus eo ar pegsun-mañ, muioc'h eget biskoazh. Servijout a ray d'ar re a zo e penn ostalerioù, dañstioù, pretioù, letioù ha d'an holl re a rank lakaat an dud da zoujañ d'al lezenn nevez. Aes e vo dezho lakaat ar pegsun bihan-mañ war wel en o stal pe en o lec'h degemer. Tresadenn ar pegsun a c'hell bezañ komprenet aes gant an holl. Goulenn ar pegsun (0,50 € an tamm) a c'hellit ober dre skrivañ da Ofis ar Brezhoneg, 8 bis straed Félix Faure 29270 KARAEZ-PLOUGÊR postel : ofis29@ofis-bzh.org pe dre implijout an urzh-prenañ a zo bet lakaet da bezh-stag.