Goude Yann-Fañch Kemener ar bloaz paseet, Nolwenn Korbell, Lleuwen Steffan, ... setu tro Gwenola Coïc ha Thomas Laken da skrivañ barzhoneg ar Redadeg Tud bro Dreger, tud a oar mont er ribinoù, e hentoù don ar vro. Redek a rint beket fin an deiz, betek fin o buhez, un destenn a denn eus Anjela Duval, Jakez Riou pe c'hoazh hini Yann-Fañch ar bloaz paseet. Met diwallit mat ! Tud a vremañ int an daou, ha kavout a reont gwelloc'h blaz ar gliz eget QR code ar bed niverel...
KEMENNADENN REDADEG 2021
Ur wech lañset - ar Redadeg -
n’haller ket souzañ a-dreñv.
Dirakomp :
gwinojennoù, heñchoù-treuz, ha heñchoù-bras roaial,
gwech ha gwech all...
Ken uhel hag ar gwez 'faota dimp mont.
Ha pa vefemp hejet-dihejet gant ar 7 avel, 'vimp ket diskaret.
Kresket g(1/2)wrizioù d’hon zreid da zerc’hen plom war un douar ferm
Lec'h ma vez kavet ur pallenn tomm da dommañ hon hunvreoù
Mont da glask dour hon c'hest difin, evel loened disec’het.
En em stagañ evel drez gouez a-benn leuskel plas gant al lapoused d'ober o neizh
'barzh ul lec'h klet.
Amañ ‘giz-mañ ‘mañ ma hent : sachañ a ran war alan ma sorc’henn.
Saouzanet gant louzaouenn-ar-voem
ec’h an dre mil hent ar vro ‘benn esa kompren
riboustadennoù ‘glevan ba'r vrumenn.Hunvreoù teñval em fenn a-wechoù
Hunvreoù leun a seblantoù
Hunvreoù glas o tañsal diwar muzik ar plent
luskellet gant ar c'houajoù avel...
(an destenn a-bezh war lec'hienn ar Redadeg)
Vidéos
