S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Kantadoù a dud a gemer perzh enni, bugale ha tud deuet. Dont a reont eus Breizh a-bezh a-benn daeañ reolennoù ar reizhskrivadur hag adskrivañ un destenn difazi. Ar bloaz-mañ c'hoazh e vo kalz a dud o kemer perzh er Skrivadeg.
Bep bloaz e vez aozet ar Skrivadeg war ar memes devezh e lec'hioù disheñvel e Breizh - hag e Pariz zoken. Atav e vez lidet an darvoud-mañ en un argelc'h plijus ha lirzhin, gant dudioù, arvestoù pe sonedagoù kinniget e-pad an troc'h-difaziañ. Ar Skrivadeg a zo ivez un doare d'en em gavout tro-dro ar brezhoneg.
Warlene c'hoazh e oa Naoned ar gêr gant ar muiañ a berzhidi, gant 140 den eus liveoù ha rummadoù mesklet evit an dro gentañ. Evit ar wezh kentañ e oa aozet ar gourfenn e Naoned ivez, gant 86 perzhiad eus Breizh a-bezh.
Ar bloaz-mañ e vo ar Skrivadeg d'an 10 a viz Meurzh e sal "Festive Nantes Erdre", e memes koulz hag e kêrioù all°. Degemeret e vo ar berzhidi adalek 1e goude merenn. Da 2e e krogo lennadenn an destenn e brezhoneg. E fin al lennadenn e vo kinniget ur pezh c'hoariva gant ar strollad Electrake – strollad bugale renet gant Katell Leon - hag ur sonadeg gant Krismenn. An dud a adskrivo an destenn gant an nebeutañ a fazioù a yelo d'ar gourfenn d'ar 26 a viz Mae e Karaez.
Digoust ha digor d'an holl eo ar Skrivadeg. Gant Kentelioù an Noz ha Deskiñ d'an Aodourien eo kenaozet ar Skrivadeg e Naoned. An enskrivadurioù evit Naoned a vo kemeret gant Kentelioù an Noz.
° Lannuon, Brasparzh, Brest, Karaez, Montroulez, an Hospital, Pont-'n-Abad, Redon, Roazhon, Naoned, an Oriant ha Pariz
Ur gevredigezh stummañ an dud deuet d\\\'ar brezhoneg eo Kentelioù an Noz. El Liger-Atlantel e kas e obererezhioù.
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP