Pevar C\'Hembread a gemero perzh er Redadeg e trowardroioù Pontrev. Ne vo ket trawalc\'h evito redek gant banniel Kembre war o diskoaz. Dont a reont ivez evit studiañ penaos e vez aozet ar Redadeg ha penoas e c\'hallfe bezañ aozet ivez e Bro-Gembre er bloaz a zeu.

“P\'am boa klevet komz eus ar Redadeg, bloaz zo bremañ, em boa soñjet e vefe un dra vat da Gembreiz diskouez seurt spered rik ha rik ha yac\'hus zo ganeomp ivez e-keñver hor yezh, ha c\'hoant zo ganeomp sevel un dra bennak heñvel e Kembre” eme Siôn Jobbins a zo penn an dileuridi.

Bet int bet c\'hoazh e Bro-Euskadi evit komz gant an dud e karg ar \'Korrika\', ar redadeg a bep eil a zo diazezet hor Redadeg warni. Fellout a ra dezho ivez kemer ur perzh oberiant enni, evel rederien. Chom a raint e Breizh eus an 13 betek ar 17 a viz Mae.

Ar pevar C\'Hembread o kemer perzh er Redadeg eo : Siôn a labour evel rener rann ar \'marketing\' e Levraoueg Vroadel Kembre en Aberystwyth, Alun Owens, Rener Kreizenn Urdd Gobaith Cymru e Kerdiz (ar gevredigezh-se a vod un 50 000 kembraeger yaouank bennak), Kevin Davies a zo rener Menter Iaith Rhondda Cynon Taf (un aozadur a zo e bal kas war-raok implij ar c\'hembraeg e traoniennoù kreisteiz Kembre) ha Dr Gareth Popkins, un den a lezenn a gomz galleg.

“Fellout a ra deomp gwelout penaos e vez kaset ar redadeg, kompren penaos e vez diogelet ar rederien , gouzout piv a gemer perzh, penaos e vez aozet an hent en a-raok ha war an dachenn hec\'h-unan, hag evel just komz diwar-benn an abadennoù a bep seurt a vez aozet tro-dro d\'ar Redadeg. Redek a raimp ivez, Gareth ha me evit Cymdeithas Cymru-Llydaw (Kevredigezh Kembre-Breizh, diazezet en Aberystwyth) Alun evit an Urdd ha Kevin evit ar Menter. Ar 400 euro a zo bet dastumet e Kembre a servijo evit kas war-raok ar brezhoneg ha sevenadur Breizh. Laouen-bras omp.”

Kevredigezh Breizh-Kembre, diazezet e Landreger, a zo bet an hanterourez evit aesaat ar veaj-se, he deus he reder ivez : Tangi Legavre a vo o redek eviti en Aodoù an Arvor.

“Plijout a ran din kalz dont da Vreizh. Ar wech kentañ din e oa e 1983 ha gwelet a ran sklaer ez eus mui-ouzh-mui a zudi gant ar Vretoned en o yezh hag en o sevenadur. Pevar c\'hembraeger zo ac\'hanomp. Pegen dudius ha plijus eo gwelout an heñveladurioù etre hon div yezh ha kaout tu da greñvaat al liammoù a zo tost-tre dija etre hon div vro geltiek\' a ouzhpenn Siôn.

Ar veaj-studi-se zo bet arc\'hantet gant ar Rouedad evit al liesyezherezh a zo ezel eus ar Welsh Language Board (Ofis ar C\'Hembraeg). Ur rentañ-kont a vo savet hag un emvod a vo dalc\'het e Kembre e miz Mizheven evit gwelout hag-eñ e vo posubl aozañ ur redadeg e Bro-Gembre er bloaz a zeu.

• Une alliance pour les langues minorisées : Redadeg, Korrika et La Passem unissent leurs forces par Philippe Argouarch et chatGPT le 28/05/2025
• Ar Redadeg : remise des chèques pour le soutien de la langue bretonne par ChatGPT le 12/11/2024
• A 75 ans Philippe Argouarch, le fondateur de l'ABP court sa 7e Redadeg par La rédaction le 18/05/2024
• Ar Redadeg d'an 18 a viz Mae 2024 evit ar brezhoneg - Course pour la langue bretonne Rallye par Ar Redadeg le 28/04/2024
• La Redadeg 2024 partira de la pointe du Raz : il est temps d'acheter vos kilomètres ! par La rédaction le 16/02/2024
• La carte de la Redadeg 2024 est en ligne par La rédaction le 19/09/2023
• Erruet ar Redadeg e Gwened gant 5000 a dud par Kerne Multimedia le 29/05/2022
• Penn-rener an ABP, Philippe Argouarch, en deus kemeret perzh en eizhved Redadeg par J-L Le Floc\'h le 27/05/2022
• TUDJENTIL BREIZH court pour la REDADEG à Saint-Nicolas du Pelem par Tudjentil Breizh le 27/05/2022
• Ar Redadeg war doenn ar vro par Blaz produktion le 26/05/2022