Ar forzhioù a gomz : atersadenn gant an droourez

- Présentation de livre -

Setu 14 vloaz bremañ e oa bet krouet "The vagin monologues" gant Eve Ensler. Troet eo bet e brezhoneg gant Ninnog Latimier-Kervella.

Fanny Chauffin pour ABP le 25/11/10 23:32

"Ar forzhioù a gomz", setu troidigezh "Les Monologues du vagin", ur pezh c'hoari c'hoariet e Broadway e 1996 hag en doa graet berzh e bed a-bezh (troet e 46 yezh, c'hoariet e 130 bro). Skrivet e oa bet gant Eve Ensler e Stadoù Unanet, goude bezañ bet aterset merc'hed er vro. Dibaoe e oa bet dastumet komzoù merc'hed all, graet kazi tro ar bed gant merc'hed o embann o identelezh, ar pezh a vez gouzañvet ganto hag ar pezh a vez bevet mat ivez...

Krouet e oa bet ganti ivez ar V-Day, un devezh e lec'h e vez aozet abadennoù e pep lec'h, hag e vez roet an arc'hant dastumet da strolladoù a ra war dro merc'hed gwallgaset er bed.

Gant Ninnog Latimier-Kervella eo bet troet al levr embannet e 1996 e saozneg. N'he deus ket lennet na welet zoken an abadenn e galleg. N'eo ket bet levezonet gant skrid ebet a-raok kregiñ gant al labour treiñ. Ouzhpennet he deus gerioù evel "kig ha fars", evit reiñ un tamm blaz Breizh d'an destenn.

N'eo ket bet aes da gavout gerioù a zere, peogwir ne vez ket komzet kalz deus traoù ken nes gant an dud. Penaos treiñ ? O c'houlenn gant ar re gozh, brezhonegerien a-vihanig ? O adlenn levr Martial Menard "Alc'houez bras ar baradoz vihan" ?

Seblantout a ra lennegezh Breizh o klask hentoù nevez ha mont er maez deus ur serten bed e lec'h emañ ar baotred niverusoc'h hag a gomz en o anv-dezho. Marteze e vo digoret amañ un doare all da ziskouez ar bed dre ur sell disheñvel ?

E pep lec'h er bed e vez flastret gwirioù ar merc'hed, ha pa vo merc'hed Breizh o komz, marteze e vo komzoù kreñv, komzoù brav ... O c'hortoz e vefe lennet, c'hoariet, leurenniet e Breizh an destenn-mañ.

Embannet gant An Alarc'h, ( voir l'article ), 8 euro, da brenañ e stal levrioù.

Al lec'hienn : : (voir le site)

Voir aussi :

Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
20 vloaz Priz ar yaouankiz : un daol grenn interessant hag a zres hentoù nevez par Kerne Multimedia le 29/10/2023
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
Mall achap! ha danevelloù gant Fulup Lannuzel par Éditions Al Liamm le 12/10/2023
Pluenn varzhoniel Loig Kampion par Kerne Multimedia le 19/06/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
"Plac'hed manket" e Breizh : istor un hir a boan par Kerne Multimedia le 14/01/2023

Cet article a fait l'objet de 2081 lectures.

Youtubeuse, docteure d'Etat en breton-celtique à l'Université Rennes 2 / Haute Bretagne, enseignante, militante des droits humains à Cent pour un toit Pays de Quimperlé, des langues de Bretagne avec Diwan, Aita, GBB, ...., féministe, enseignante, vidéaste, réalisatrice, conteuse, chanteuse, comédienne amateure, responsable depuis vingt ans du concours de haikus de Taol Kurun, des prix littéraires Priz ar Vugale et Priz ar Yaouankiz, ...

Fanny Chauffin

Vos 2 commentaires :

Henry Paskal Le Vendredi 26 novembre 2010 17:01

Ma ne vije ket bet e brezhoneg n'em bije ket lennet al levr-se. Domaj e vije bet. Fromus ken he ken eo an istorioù berr ha birvidig-birvidig an droidigezh. En ur lakaat liammoù a bep seurt gant sevenadur Breizh he deus tostaet an droidegezhed an destenn ouzh hor c'halon ha war ar memes taol lakaet war-well eo ar c'homzioù-se reoù ar bed a bezh.
Paskal.

(0)

Milio Latimier Le Vendredi 26 novembre 2010 17:16

Ma, drol e kavan un tamm ar bomm-mañ :
"Penaos treiñ ? O c'houlenn gant ar re gozh, brezhonegerien a-vihanig?"
Rak evit an dud n'anavezont ket Ninnog, e c'hallfent krediñ he deus desket brezhoneg nevez zo. Mat e c'hellfe bezañ menegiñ ez eo bet hi savet en ur familh a rae hag a ra bepred gant ar brezhoneg. Talvoudus e c'hell bezañ diskouez ne gaver ket dre ret, e-diabarzh ur familh brezhoneger zoken, an degouezhioù, ar prantadoù, an digarezioù, hag ar geioù neuze, da lakaat ar gaoz war danvez ar reizh, an darempredoù korf. Ar re a ra gant ar galleg n'o deus ket da vezañ brederiañ kement-se ken: an tele hag Internet zo aze evit ober al "labour".

(0)

Commenter :

Put your name here

ABP

Nous suivre