Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Yaouank : ar brasañ fest-noz e Breizh
Yaouank : ar brasañ fest-noz e Breizh
- Chronique -
Breizh, douar ar festivalioù ?
Evel e bro Euskadi, e lec'h e oa ret kavout doareoù da arc'hantaouiñ mont en dro ar skolioù, eo dre gouelioù meur er vro, a-hed ar bloaz, e oa bet kavet peadra da vagañ kefoù ar skolioù... ha kefoù an arzourien, ar farderien boued, bier ...
Fanny Chauffin pour Kerne Multimédia le 20/11/17 0:27
:
Réalisation :

Evel e bro Euskadi, e lec'h e oa ret kavout doareoù da arc'hantaouiñ mont en dro ar skolioù, eo dre gouelioù meur er vro, a-hed ar bloaz, e oa bet kavet peadra da vagañ kefoù ar skolioù... ha kefoù an arzourien, ar farderien boued, bier ...

Breizh : douar ar festivalioù ?

An Erer kozh, gouel ar Gelted, festival Penn ar bed, Kemper, Sant Malo... Hag e-pad ar goañv, Yaouank, festival Taol Kurun, Deizioù an Oriant, War Raok... Diaes eo chom hep gwelout pegen pouezus eo ar vuhez kevredigezhel er vro, pouez an arzourien a-vicher hag a youl-vat o lakaat ur vro da zañsal, da ganañ, da aozañ ar c’hehentiñ, ar bod hag ar boued...

Diwan e penn ur bern aozadurioù

E 1977 e oa ret kavout arc’hant ha se zo gwir evit ar skolioù Diwan atav : aozañ festoù evit an douristed ‘pad an hañv war bord ar mor, aozañ festoù noz (un euro evit Diwan e bloavezhioù 1980, perak ket kenderc’hel gant se ?), Tro Menez Are hag a lak 7000 baleer war an hentoù bep bloaz, Randorade, Rando Plijidi, Tro Dro... Hep kontañ saloñs Playmobil Montroulez, Foarioù al laou Gwitalmeze, Kemperle, … Ijin, aozadur, intrudu aktourien skolioù a vez e pep lec’h. Meur a skouerenn a ziskouez pep hini ampartiz Diwan da stummañ an dud war an dachenn ha gant ur spered Deskadurezh pobl.

Gant festival Taol Kurun, aozet gant Kuzul skoazell skol Diwan Kemperle betek 2014 e konter 100 000 a dud o doa kemeret perzh e festoù-noz, sinema, kontadennoù, c’hoariva, stajoù, abadennoù sonerezh, prezegennoù... gant ur festival divyezhek en doa lakaet ar peoc’h en-dro e Kemperle tro-dro d’ar brezhoneg ha da Ziwan, en doa roet nerzh d’an holl evit kenderc’hel gant ar yezh.

Voir aussi :
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 2 multiplié par 6) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons