Ar brezhoneg en dañjer, an SCNF 'ba 'r jeu

En 2005 e oa bet gounezet 1,4 miliard euro gant an SNCF. Evit ar 4 bloaz da zont 'h aio 350 milion euro digant an SNCF a-benn lakaat Christian Lacroix da renevezañ diabarzh an TGV. War un dro e vez harzet e Breizh, en Euskadi hag e Catalunya ouzh ar yezhoù bihan da

En 2005 e oa bet gounezet 1,4 miliard euro gant an SNCF. Evit ar 4 bloaz da zont 'h aio 350 milion euro digant an SNCF a-benn lakaat Christian Lacroix da renevezañ diabarzh an TGV.

War un dro e vez harzet e Breizh, en Euskadi hag e Catalunya ouzh ar yezhoù bihan da vezañ skritellet hag implijet en tier-gar hag en trenioù. Koust an divyezhegezh an hini zo kaoz !

Koulskoude, pegement a arc'hant 'h aio digante evit un nebeut kemennadennoù dre-gomz divyezhek ? Evit plaketennoù divyezhek gant eurioù an trenioù ? Evit lakaat war-wel dimp an implijidi hag a oar brezhoneg e tier-gar Bro-Dreger ? Nebeud, dreist-holl e-keñver an arc'hant gounezet gante...

Neuze e oamp un dek den bennaket eus Ai'ta! digwener noz en hon c'hourvez war leur ti-gar Montroulez ma vo disklêriet emzalc'h brein an SNCF, a-enep d'ar yezhoù bihan, ha ma vo gouvezet petore stad e hini ar brezhoneg herie (lakaet abaoe 2002 e-touesk ar yezhoù en arvar bras gant an UNESCO).

Derc'hel ar brezhoneg en e sav zo voaien d'ober, gant ma vo gwelet hag implijet er vuhez foran, hag en tier-gar evel-just. Pa n'houl ket hen ober e kemer perzh an SNCF e diskar ar brezhoneg.

Gant-se, hon strollad Tregeriz Ai'ta!, evit difenn ar brezhoneg, a fell dezhañ lakaat an SNCF da blegañ oc'h aozañ oberoù difeulz en tier-gar hag oc'h embann direizhded ar pezh a c'hoarvez. www.ai-ta.org