Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
An Alre - stalig Ad-ti Post (Relais La Poste)
Auray, Ad-ti Post (Relais La Poste)
Auray, Ad-ti Post (Relais La Poste)
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir"
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir"
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir"
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir" , vocabulaire technique du vélo - march-houarn: ar gerioù teknikel
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir"
Auray, Ad-ti Post (Relais La Poste) , boutique Velo Breizh
Auray, Ad-ti Post (Relais La Poste) , boutique Velo Breizh "Ar roñsed dir"
- Chronique -
An Alre : an ad-ti post e brezhoneg, ar beloioù, ha servijoù liesseurt…

Setu ur sell ouzh ur stalig divoutin e Breizh! Ur skouer evit an dazont! |Kaier foto]

J-L Le Floc'h pour ABP le 2/05/22 17:05

Emañ ar stal – sklaer hec’h anv dezhi : « Velo Breizh », pe resisoc’h c’hoazh « Ti ar Roñsed-dir » – e-tal d’an ti-gar An Alre. Perak 'ta « Velo » ha n’eo ket « Belo » ? Rak an internet. Aesoc’h eo bezañ gwelet ha kavet dre ar gêr « Velo ». Daoust ha brezhoneg gwir eo ? Ya, a lâr mestr an ti : Kevin Le Cam, bet o frifurchal e-barzh geriadur gwenedek Meriadeg Herrieu. Ha memes tra evit « Roñsed-dir », savet e gwenedeg diwar patrom « Marc’h-houarn » e KLT.

Dirak ar stal, un toullad beloioù evit feurmiñ. Ha pep lec’h (skritelloù, ouzh ar gwerennoù…) : brezhoneg ! Betek logo an ad-ti-post. Traoù all zo ivez da zizoleiñ…kement a servijoù a bep seurt a vez kinniget gant ur stalig ken divoutin, digoret braz a-hed ar sizhunvezh koulz evit an annezidi hag an douristed.

ur goulennadeg

Hirio, d’ar c’hentañ a viz Mae, e fin an abardaez ez eus un daol war ar blasenn, dirak ar boutikl, warni paperioù evit sinañ. Tro-dro dezhi, tudoù o kaozeal gant ar rener. Ur c’houlennadeg zo bet savet gantañ hag a vo kaset d’ar melestradur (« Bâtiments de France ») dre ne fell ket dezhe e vefe miret kinklañ a-vremañ. Ne glodfe ket gant polontez ar melestradur (livioù, dremm ar boutikl, hag all… Gwelet pajennad FB : , sañset ! Koulskoude arguzennoù zo evit kenderc’hel, mod-se pe ar wellañ ma c’heller. N’eo ket echu an afer !

an Ad-ti Post

Souezhusañ tra zo evit an tremeniad: n'eus ket logo an Ad-ti Post hepken, met tout an danvez ofisiel evit ar pratikoù hag a zo liv an ti-post warne. Ar wech-kentañ eo e Breizh ! Sur a-walc’h ez eo bet digoret an hent bloavezhioù zo dija gant ti-post Karaez. Mes stalig bihan eus An Alre a zo an hini gentañ mod-se. Displegadennoù : pa ne oa ket an ti-post amañ evit kenderc’hel ken en deus divizet Kevin Le Cam, ouzhpenn feurmiñ ha gwerzhañ beloioù, kinnig servijoù postek liesseurt gant ma vo brezhoneg e-barzh e stal (gwelout fotoioù). Diouzhtu, e miz Gwengolo 2021, hep marc’hata, ez eo bet tudoù ar Post a-du gant-se ! Ur gwir vurzhud ! Evit brasañ plijadur tud ar vro.

Feurmiñ ha gwerzhañ beloioù

Neuze, beloioù a vez kavet evit feurmiñ (gwelout ivez al lec’hienn Breizh Velo, ur rouedad Vreizhat ma vez staget outañ stalig An Alre) pe evit prennañ. Peseurt re ? Reoù bet frammet e Breizh (Machikoul, e Liger-Atlantel), un darn eus ar pezhioù o tont eus broioù Azia (bro-Japan hag all). Diaes a-walc’h eo goude ar C’hovid kaout pezhioù zo. Koulskoude emañ pal Kevin - ha spi braz zo gantañ - bezañ evit kinnig un tri-ugent belo bennak evit feurmiñ, a-benn nebeut a amzer.

Peseurt servijoù a vez kinniget c’hoazh ?

. Servijoù kas-digas « a di da di » dre veloioù.

. Servijoù all evit an dud kozh, da skouer tro-dro d’ar « mad-a-gas-karr » (aotre bleniañ) - kinnig sikour internet melestradurel bewech ma vo posubl kenderc’hel an aotre bleniañ hervez ali ar mezeg – pe c’hoazh tro-dro da brogrammiñ montroù a vez graet anezhe « a-enep kouezhañ » - da lâret eo skignet eo gante ur gemennadenn kerkent a kouezhet unan glañv mod-Alzheimer gantañ ur montr ispisial-se - .

. An « Ajañs Labour Breizh ». P’en deus klevet Kevin « unan bennak » o lâret « evit kaout labour n’eus nemet mont betek an tu all d’ar straed » (e galleg poblek : « pour trouver du boulot, y a ka ….traverser la rue ! ») en deus soñjet ar paotr sevel ar servij-mañ, staget ouzh ur gevredigezh a ra gant ur meziant. Digoust eo ! N’eus ezhomm na CV na emgav ebet ha me oar c’hoazh a lâr Kevin, n’eus nemet evit ar c’hinniger pe ar c’hlasker-labour lakaat war well ur fichenn simpl. Lec’hiet e vo ar c'hinnig-labour pe ar goulenn-labour war ar gartenn google. Mod-se e c’hello an embregerezh pe an hiniennel mont e darempred buhan hag aes. Evit poent ez eo bev (da lâret eo anavezet hag implijet) an ostilh e departamant ar Mor-Bihan. Mat eo evit kaout ul labour lec’hel, gant ma vo embregerezhioù o vagañ ar sistem, anat deoc’h. (selaou ouzh www.radiobreizh.bzh , atersadenn div vunutenn e brezhoneg. Gwelet ivez www.jobonmap.com ).

. ar servij Nannybag . Keveler ouzh ar gevredigezh emañ ar stalig. Evit ma c'hellfe forzh piv leuskel sac’hadoù pe ur valizenn ur pennadig-pad, lakomp amzer d'ober tro ar gêr.

Penaos eo deuet Kevin Le Cam war-zu ar brezhoneg ?

En ur sell ouzh un tamm daolenn-lignez e brezhoneg (kostez e vamm e Bro-Dreger, rak e dad a zo a-orin Breizh-Veur) en deus hemañ dizoloet e oa e familh gwriziennet er yezh. Ha ma ’z eo gwelloc’h dezhañ bezañ anavezet hirio dindan anv e vamm ez eo en he eñvor, hag hi aet da anaon n’eus ket pell, a lâr Kevin.

E-pad pell e oa eñ o vevañ e Bro-Roazhon. Ha setu-eñ o heuliañ kelenn brezhoneg el lise, evel un dibab (un opsion) etre kreisteiz hag un eur hanter goude merenn bemdez, gant Mark Kerrain. Pa n’eo a-walc’h e vo heuliet gantañ ur staj mod-Stumdi (c’hwec’h mizvezh, evel ma ouzer) diwezhatoc’h.

Setu ma c'hoarvez prantad ar « Bonedoù ruz », kostez Montroulez. Diskoachet e wreg gantañ, ha pa oa-hi o vevañ e bro An Alre, setu berrig-berr penaos eo arruet an den er vro-mañ, eñ hag a anaveze ar vro gallaoueg kentoc’h, e penn-kentañ. Ha bremañ ar familh a bezh oc’h ober gant ar brezhoneg (ha pa respontfe ar vugale e galleg e vez komzet gante e brezhoneg gant an tad hag ar vamm). Ar familh hag a zo he holl anvioù-bihan o kregiñ gant K. Sellit ’ta : Kevin, Kristell, hag o zri bugel. Kenderc’hel a ra an avantur…

Gerioù

. Goulennadeg, ur c’houlennadeg une pétition collective

. Un Ad-ti Post un Relais La Poste (enseigne officielle)

. Servij kas-digas « a di da di » pe servij kasidigeh service de livraison à vélo

. Taolenn-lignez, un daolenn-lignez (plac’h eo ar ger brezhonek) un arbre généalogique

Notenn d’al lennerien deuet nevez zo war-zu ar yezh. :

Savet eo ar pennad-mañ e brezhoneg KLT, ha skrivet eo dre zoare-skrivañ peurunvan. Skritelloù diskouezet er c’harousel-fotoioù a laka war well brezhoneg mod bro-Wened (pe Gwenedeg), diforc’hioù bihan dezhañ

Evit gouzout hiroc’h

. Velo Breizh.

. Le Télégramme, 24 c’hwevrer 2022, pennad

. FB, pajennad:

. Rouedad Breizh-Velo (Gwengamp, Pempoull, An Alre), lec’hienn

. Job on map.

. OF, 22 c’hwevrer 2022, pennad

. OF, 24 c’hwevrer 2020, pennad

Voir aussi :
3  0  
mailbox
imprimer
"Brav eo skrivañ, diaesoc'h eo lenn" ! "An daoulagad eo a zo ar gwellañ benveg-poltriji, rak dre ur sell eo e c'heller diskoachañ an imachoù tro-war-dro"! Paotr bet klevet gantañ ar yezh e-pad e vugaleaj. Bet o labourat war zachennad stlennegel. Skrivet gantañ pennadoù e galleg hag e brezhoneg. Bremañ o vevañ e bro-gKerne.
Gwelout pennadoù all gant J-L Le Floc\'h
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 0 multiplié par 0 ?