Aet eo Sylvie Jouan d'an Anaon

- Communiqué de presse -

Gant doan ha from bras eo o deus klevet izili Div Yezh ez eo aet Sylvie Jouan d'an Anaon. Deuet e oa Sylvie e Div Yezh, kevredigezh tud skolidi evit ar c'helenn brezhonek er skol bublik e Roazhon ha kemeret ar garg a brezidantez er gevredigezh lec'hel. Ezel eus burev Div Yezh Breizh e oa bet ivez.

Paul Molac Par Div Yezh le 23/10/10 12:06

Gant doan ha from bras eo o deus klevet izili Div Yezh ez eo aet Sylvie Jouan d'an Anaon.

Deuet e oa Sylvie e Div Yezh – kevredigezh tud skolidi evit ar c'helenn brezhonek er skol bublik e Roazhon pa oa c'hoazh APEEB an anv anezhi –, ha kemeret ar garg a brezidantez er gevredigezh lec'hel : Div Yezh bro Roazhon. Ezel eus burev Div Yezh Breizh e oa bet ivez.

Labouret start he doa e-pad meur a vloaz evit ma vefe anavezet ha kelennet ar brezhoneg ha dre ar brezhoneg er skol bublik.

Izili Div Yezh a gemer perzh e glac'har hag e kañv tud he familh. E-ser he gwaz hag he zri bugel eo marvet Sylvie diriaou.

En he gourvez emañ en Ti-kañv – Sal Brehat

33 straed Victor Segalen e Roazhon : 02 99 36 71 95

Hec'h obidoù a vo lidet d'al Lun 25 a viz Here e sal Bered ar Reter e Roazhon ma vo lakaet en douar e-tro 3 eur g.k. Emgav da 2 e 30.

Ur jarl a vo lakaet e digor ar sal ma c'hallo an dud ober un donezon evit an imbourc'h ouzh ar c'hrign-bev.

Voir aussi :

Mort de François Le Mouël, le tombeur de la French-connection par marc Patay Lejean le 07/10/2015
André Le Grand, ancien directeur de la librairie Ar Vro de Douarnenez et Audierne est décédé par Librairie Penn da Benn le 24/06/2011
Décès de Françoise Olivier-Coupeau : Jean-Yves Le Drian déchiré et bouleversé par Region Bretagne le 07/05/2011
Le Briochin Raymond Penn Du vient de disparaître par Blanc C Exprimé le 09/01/2011
Disparition de René Le Berre, le New York Times et le Washington Post en parlent mais rien dans la presse française par Philippe Argouarch le 22/12/2010
Disparition de Marie Thérèse Poilvet par Philippe Argouarch le 17/12/2010
Marv Charlez Ar Gall : Jean-Yves Le Drian a zoug bri d'an den mennet par Cabinet de Jean-Yves Le Drian le 08/11/2010
Décès de Charlez ar Gall : Jean-Yves Le Drian rend hommage à l’homme de conviction par Cabinet de Jean-Yves Le Drian le 08/11/2010
Saludiñ a ra Paolig Combot memor Charlez Ar Gall, evit Ar Falz par Ar Falz le 06/11/2010
Paolig Combot salue la mémoire de Charlez Ar Gall à Brest pour Ar Falz par Ar Falz le 06/11/2010

Gwelout pennadoù all Div Yezh

Vos 1 commentaires :

Cédric choplin Le Mardi 2 novembre 2010 08:38

Da viken hor bo keuz dezhi, ur vaouez a benn, ur vaouez a galon. Moarvat n'hon eus ket trugarekaet anezhi a-walc'h pa oa amañ ganeomp o stourm evit hor bugale hag hor yezh...
Mantret on o klevout eo aet diouzhomp. Soñjal a ran en he gwaz, en he bugale a zo bet deskibien din.
Ur skouer eo sylvie evidomp. Marvet eo he c'horf; he goanag hag he spered a chom bev hag a ambrougo ac'hanomp betek hag en tu all d'an trec'h, kenvroiz ker.

(0)

Commenter :

Put your name here

ABP

Embann

Nous suivre