Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Mousc'hoarzh Simone...Photo PQR Ouest France
Mousc'hoarzh Simone...Photo PQR Ouest France
- Annonce -
Aet eo ar stourmerez Simone de Bollardière d'an Anaon
Stourmet he doa a-hed an amzer, pa oa bev he gwaz, ar Jeneral, met war lerc'h ivez, war bep dachenn : Diwan, ti-gar Kemperle, gwirioù tud Aljeria, an nukleel...
Fanny Chauffin pour Kerne Multimédia le 8/12/20 19:07
Désobéir est parfois un devoir :
Réalisation :
(6 301 vues)

Stourmet he doa a-hed an amzer, pa oa bev he gwaz, ar Jeneral, met war lerc'h ivez, war bep dachenn : Diwan, ti-gar Kemperle, gwirioù tud Aljeria, an nukleel...

Da 97 vloaz he doa graet Simone un hir a hent buhez. Marv eo er gêr, e Talhoed, e Gwidel, e lec'h ar familh he oa adkempennet tiez kozh evit bevañ gant ar peder merc'h, gant Armel deuet da vout stourmerez d'he dro evel dilennadez Sant Brieg.

Dimezet yaouank-tre d'ar jeneral, aet e oa gantañ d'an Indochine. Ha war lerc'h pa oa bet dibabet gantañ mont kuit eus an arme, reiñ e dilez abalamour d'ar jahinerez a veze implijet gant soudarded bro C'hall e oa bet ret dezhi skoazell anezhañ. War vag o doa skoazellet stourm ar re a oa o klask lakaat da baouez an taolioù esae nukleel e morveur an Habask.

Skoazellet he doa skol Diwan sant Brieg ha skol Diwan Kemperle, ingal, deuet da bep digoradur, da bep gouel, ur vignonez feal, un Itron hag ur vaouez peg he mousc'hoarzh ouzh he muzelloù atav.

E-pad meur a vloavezh e oa aet da di-gar Kemperle evit difenn buhez ar vro, asambles gant dilennidi Kemperle hag an Aotrou le Penseg. Prest atav da vont e kement film diwar an nukleel, tud Aljeria o c'houzañv c'hoazh, tout an dud oa plijet gant ur vaouezh digor he spered, kurius...

Kenavo Itron Bollo, Simone, ret e vo derc'hel soñj ha chom ken plom evit ar stourmoù da zont !

Obidoù warc'hoazh dimerc'her e Gwidel, evit 30 den, met posubl e vo mont barzh ar vered.

Voir aussi :
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all Kerne Multimédia
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 5 multiplié par 6) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons