ABP

- Dépêche -

Aet eo ar maout gant Riwal Huon !

Aet eo ar maout gant Riwal HUON e Saloñs al levrioù kêr Gwened ! Evit an trede gwezh, e-korf ur bloaz, ez eus bet deroet ur priz lennegel da Riwal Huon

Par Yann An Aod pour Kelc'h Sevenadurel Gwened le 20/06/11 15:44

Aet eo ar maout gant Riwal HUON e Saloñs al levrioù kêr Gwened !

Evit an trede gwezh, e-korf ur bloaz, ez eus bet deroet ur priz lennegel da Riwal Huon evit e romant "Ar marc'h glas". Ar brud zo gantañ !

Un danvez skrivagner deus ar re wellañ eo Riwal Huon. Un den entanet evit ar brezhoneg hag a oar kizellañ frazennoù gant gerioù diuzet, un heson barzhoniel dezho. Ur skrid fromus ha frealzus eo o lakaat splann war-wel kizidigezh kalon ar skrivagner hag e zoujañs d'e nesañ.

Goude bezañ tremenet dibreder bloavezhioù yaouankiz war ar maez e teuy blaz ar c'hwerv d'en em silañ e planedenn Gwenole, tudenn ar romant. Graet freuz-stal gant e dud ha seziz war o atant e vint holl rediet da vont da vevañ e kêr, ur bed nevez ha dianav dezho. N'eo ket Gwenole paotr ar skol ; neuze ez aio-eñ da zarbarer gant Marsou, un toer diouzh e vicher ha mignon d'e dud. Hennezh o ren ur vuhez a seblant bezañ didrabas gant ma seller ouzh he diavaezioù hepken. Ur sell paret war ur bed kriz ha tener, e tezrevell an oberour deomp trubuilhoù ha prantadoù eurvad a ya d'ober planedenn Yann Toer, ha se gant un doare skrivañ simpl hag efedus. Ur gwir lennegezh eo romant Riwal Huon hag ur skouer deus an dibab d'an neb a vez douget d'ar skrivañ, pe tik gant al lenn.

Ul levr aes ha plijus da lenn eo "Ar marc'h glas" o kas al lenner da heul Gwenole hag e donkadur.

Voir aussi :

Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Prix du livre insulaire 2025 par Culture, arts et lettres des îles le 12/11/2024
Forum de l’Arbre, de la Forêt et du Bois par ROND VERT le 13/11/2024
Ar Redadeg : remise des chèques pour le soutien de la langue bretonne par ChatGPT le 12/11/2024
Christian Troadec : J'étais un élément turbulent car je demandais un vrai plan de sauvegarde de la langue bretonne par Philippe Argouarch le 12/11/2024
Exposition des artistes plasticiens OSTRE'ART 2024 par I.R. le 11/11/2024
Inauguration à Carhaix : hommage émouvant à la poétesse Anjela Duval et à Sébastian ar Balp, figure des Bonnets Rouges par Philippe Argouarch le 09/11/2024
L’Union Démocratique Bretonne appelle les communes bretonnes à agir contre la crise du logement avec la nouvelle loi sur les meublés de tourisme par ChatGPT le 09/11/2024

Kelc\'h Sevenadurel Gwened zo e bal brudań ha kas war-raok sevenadur Breizh hag ar brezhoneg abaoe 1973.

[ Gwelout pennadoù all Kelc\\\'h Sevenadurel Gwened]

Vos 0 commentaires

Commenter :

Put your name here

ABP

Agir

Nous suivre