Aet eo ar maout gant Annie Coz !

Gant Annie Coz eo aet ar priz lennegel e brezhoneg 2015 evit he dastumad danevelloù a zo e ditl "Bili er mor", embannet gant Skol Vreizh. Ur Vigoudenn eo, desket ganti

Gant Annie Coz eo aet ar priz lennegel e brezhoneg 2015 evit he dastumad danevelloù a zo e ditl "Bili er mor", embannet gant Skol Vreizh.

Ur Vigoudenn eo, desket ganti yezh ar vro war barlenn he mamm ha chomet e don he c'halon.Skridoù fromus hag awenet mat a deu diwar he fluenn.

Kejadenn, an titl-mañ a zo bet roet da unan deus an danevelloù a ya d'ober korf "Bili er mor". Setu aze ar ger nemetañ a glot mat gant ar bedig pemdeziek ma vez kaset Yann Lenner ennañ gant ar skrivagnerez. An tudennoù, maouezed an darn vrasañ anezho, zo rediet da zougen o flanedenn daoust d'an diaesterioù, d'ar skoilhoù war o hent, da c'hortoz mareoù plijusoc'h. Kejañ a raint tro ha tro gant ar blijadur hag ar garantez, met ivez gant troioù-gwidre Mab-den o klask en em ziluziañ deus un enkadenn bennak.

Lenn zo un dudi hag un digarez da brederiañ a-wezhioù ; gant an dastumad danevelloù-mañ ho po tro d'hen ober.