Aet eo Andrea Barillec d'an Anaon

- Dépêche -

Benn-warc'hoazh, diriaou, da 2 eur e vo un oferenn en iliz Forest-Fouenant evit Andrea.

Fanny Chauffin pour ABP le 2/11/11 13:10

Stourmerez evit ar brezhoneg, c'hoarierez, skrivagnerez ha leurennierez evit strollad c'hoariva Forest-Fouenan, reiñ a rae kentelioù noz abaoe pell, atav prest da sikour, da skoazell, da guzuliañ an holl dud.

Andrea, war divaskell an amzer

Roet 'peus hoc'h amzer evit lakaat yezh ar Vretoned da vezañ adimplijet, echu gant ar vezh hag an taolioù dismegañs.

Skañv evel ur valafenn, o tañsal er pezh-c'hoari dispar 'poa bet tro da c'hoari gant Louise Ebrel hag ur skipailh tud kozh e c'hoariva Kerne, e Pariz hag e pep lec'h e Bro-C'hall, diskouezet'poa an hent deomp, tud yaouank o teskiñ yezh ar vro.

Ha bravoc'h c'hoazh; kontet 'poa deomp penaos, merc'h vihan ur vamm gozh ne ouie ket mat prezeg galleg e oa bet mezhekaet-hi e Prefeti Kemper "on vous donnera la pension de votre fils quand vous saurez parler correctement le français".

Ha neuze, dibabet ganeoc'h da 8 vloaz vañjiñ ho mamm-gozh. Ha deuet oc'h a-benn, Andrea, a-drugarez deoc'h hiziv, e vez bugaligoù Diwan ha tud yaouank ha kozh oc'h addeskiñ ur yezh ho peus stourmet eviti. Kenavo Andrea ha mersi bras deoc'h ur wech ouzhpenn !

Voir aussi :

Gwelet gant 300 bugel dilun ha dimeurzh : Ar briñsez.ig ! par Kerne Multimédia le 10/07/2021
Un teulfilm sevenet gant Féa ha Kaouenn : Fubudennig war an hent par Kerne Multimédia le 25/04/2020
Kejadenn Gentañ ar C'hoarivaoù e Yezhoù Bro Frañs par C'Hoariva le 04/07/2019
Festival Teatr Brezhonek par C'Hoariva le 11/10/2018
Margodennoù : evit ar vugale, emit-hu ? par Kerne Multimédia le 04/11/2017
Le théâtre en breton en deuil : Celine Soun décédée lundi matin par Kerne Multimédia le 09/10/2017
C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
Les Rias 2017, c'est fini ! par Kerne Multimédia le 03/09/2017

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 2 commentaires :

Alwenn Le Mercredi 2 novembre 2011 14:50

"merc'h vihan ur vamm gozh ne ouie ket mat preg brezhoneg" ?
Brezhoneg, pe galleg ?

(0)

fan Le Mercredi 2 novembre 2011 18:01

Trugarez Alwenn !

(0)

Commenter :

Put your name here

ABP

Embann

Nous suivre