Vidéos
Publié le 9/12/20 22:27 -- mis à jour le 09/12/20 22:27
Tem ar 21tañ kenstrivadeg haiku a zo "'trezek ar mor, prendre le large, la mè". Ha setu, war al lec'hienn taolkurun.free.fr, zo erruet 600 haiku dija hiziv.
20 vloaz dija oa bet kroget kenstrivadeg haiku gant ar gazetenn Hopala ha renet gant Alan Kervern. Pevar bloaz war lerc'h e oa tro ar festival Taol Kurun ba Kemperle o kenderc'hel gant ar c'honkour. Hiziv an deiz eo ar gevredigezh fea, aozerez Priz ar Yaouankiz ha Priz ar Vugale ivez, da lañsañ pep bloaz, un tem nevez gant ur juri efedus ha sirius ken-ha-ken, ma vefe e brezhoneg, e gallaoueg, pe e galleg. Bodet e Kemper, e ostaleri Max Jacob, setu an dud o tabutal ingal : Bernez Tangi, Pierre Tanguy, Melaine Favennec, Naig Kervella-Latimier, Mai Ewen, Malo Mouessel du Bourg, Danièle Duteil...
Hag evit lidañ ugent vloavezh krouidigezh gant tud deuet, gant krennarded ha bugale e Breizh hag e lec'h all (Roumania, Afrika, bro Suis, Kebeg, ...) e oa bet embannet ul levrig brav, un dastumadeg "366 haiku" gant fotoioù, testennoù o tielfennañ ar pezh a zo bet degaset gant seurt kenstrivadeg. Ur benveg eo evit brudañ an haiku ha broudañ haikerien da genderc'hel ha haikerien nevez da grouiñ en o yezh a-drugarez d'ar berrañ barzhoneg ar bed.
Evit ar re o dije prenañ al levr (ur prof Nedeleg a feson !)
- stal Penn da Benn ba Kemperle
- gourc'hemenn da Geit Vimp bev dre al lec'hienn :
- pe kas ur chekenn 15 euro da fea, sant adrian, 29300 An Arhanaou / Arzano
- Katell Chantreau: treuzkas ar brezhoneg er familhoù par J-L Le Floc\'h le 14/01/2023
- Kenstrivadeg haiku : daou viz a chom evit kas ho re ! par Kerne Multimedia le 04/01/2023
- Oferenn e brezhoneg da vare Nedeleg e Naoned par J.R. le 06/12/2022
- Rouedad konterien e brezhoneg : d'ar 04122022 e Landelo par Kerne Multimedia le 20/11/2022
- Bientôt un Brezhoneg Living Dictionary par Breizh Amerika le 16/10/2022
- Lesneven : Kafe Brezhoneg en-dro, …betek ar vro-Nepal par J-L Le Floc\'h le 17/09/2022
- Les Rias : miliadoù a dud, krouiñ, barzhoniezh e leizh par Kerne Multimedia le 28/08/2022
- Anjela Duval er Fil : barzhonegoù dislipet brav e brezhoneg par Kerne Multimedia le 22/08/2022
