Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Présentation de livre -
6 skrivagner nevez evit Priz ar Yaouankiz 2011/2012

Brav an eostad romantoù nevez evit ar re yaouank ... hag ar re all !

Fanny Chauffin pour ABP le 2/07/11 23:33

Bodet e Kemper evit reiñ o skridoù goude an difaziadenn diwezhañ gant Ronan Menardeau, setu eizh skrivagner o deus kemeret perzh evit reiñ mennozhioù, peseurt tresadenn a vefe evit ar golo, skeudennoù diabarzh, ar golo-kein ...

Evit ar re 6vet/Pevare e oa bet skrivet "Iskisat breur bihan" gant Olier Biguet, un istor fromus diaezezet war un istor gwir, ur paotr aotek, breur ar gonterez yaouank a zispleg buhez pemdeziek ar familh. Gant Paskal Hervio eo bet skrivet "Tamasheq", ur paotr yaouank o tizoleiñ bed ar re a vev e-kreiz an dezerzh. "Dorn Dir", un istor skiant-faltazi a zo bet ijinet gant an hini yaouankañ, Erwan Billant, lisead e Termen e lise Diwan Karaez.

Evit ar re Drede/Termen, tri levr disheñvel-tre. Istor gwir planedenn ur plac'h a zo bet gant kudennoù yec'hed spontus, hag a oa, evel Frida Kahlo, ur "Balafenn houarn" a ziskouez bed an ospital (Kerpap) hag an nerzh e oa ret dezhi kaout evit gallout bout trec'h war ar c'houzañv. Skrivet asambles gant Katell Chantreau ha Patricia Legrand-Peoc'h. Ar re a blij dezho an istorioù ma vesker un istor gwir (brezel ar Malouines) ha buhez diaes ur paotr yaouank eus Breizh-Veur oc'h erruout e Breizh a lenno gant plijadur "Tramor ' penn ar c'hoadoù", skrivet gant Franck Bodenes. Evit ar re a blij dezho an danevelloù, e "Kroazhent" e konter pemp hent disheñvel kemeret gant tud yaouank : hini ar skol-veur (bloavezh kentañ c'hwitet), hini al labour douar (diaes d'ur paotr merc'heta pa vez flaer ar moc'h gantañ), ur veaj da Valparaiso, bevañ gant unan bennak all hep gouzout re petra ober en dazont ... skrivet gant pevar skrivagner disheñvel : Moran Dipode, Milena Krebs, Mai-Ewen ha Tinna Kraffys.

72 romant evit ar re yaouank e-korf 8 bloavezh ... 37 skrivagner, 19 plac'h, 18 paotr : hag er bloaz-mañ, pa gonter Priz ar vugale a vo menneget er sizhun a zeu, ez eo 9 skrivagner nevez. Trugarez d'an holl o deus kroget en o fluennoù evit kontañ istorioù brav ! Gant ma vo ur bern lennerien plijet da lenn e brezhoneg, muioc'h-mui ...

evit kas ur skrid pe kemer perzh er priz gant ho klasad e 2011/2012 : afea [at] laposte.net

Voir aussi :
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 4 multiplié par 9 ?