Ar c’hengevredad sevenadurel Kevre Breizh, ezel eus Rouedad Europa evit ingalded ar yezhoù ELEN (European Language Equality Network) a zegas e skoazell da c’halv skolioù Diwan ha Ti Ar Vro Gwengamp evit ma vo kaset war-raok ur politikerezh gwirion evit ar brezhoneg e departamant Aodoù an Arvor.

E penn araok stourm ar brezhoneg eo bet Aodoù An Arvor o vezañ ar re gentañ o staliañ pannelloù divyezhek war hentoù an departamant. E 1987, ar C’huzul meur d’ar mare-se, en doa votet a-unvouezh ur mennad da zifenn skolioù Diwan hag a veze kinniget gant Pierre YvonTremel a zisklêrie : « ma chomo bev ar brezhoneg eo an dalc’h da vat, hag hini mont endro hon demokratelezh eo ivez » .

Hiziv-an-deiz ne weler youl ebet gant Kuzul departamant Aodoù an Arvor da vezañ skoaz-ouzh-skoaz gant an dud a stourm bemdez evit dazont ar brezhoneg er gevredigezh hag evit o gwirioù sevenadurel. Evel-se, n’eo ket kemeret e karg skolaj Diwan Bro Dreger e Plijidi pa vod ouzhpenn 200 skolajiad ha skolajiadez o tont koulz eus ar skolioù publik hag eus ar skolioù kevredigezhel Diwan hag a ra war-dro ur gefridi servij publik diazez, e dalc’h pennaennoù gwarez al liested sevenadurel, an diorreadur padus hag ar gwirioù denel.

Bro C’hall a vez tamallet dezhi alies gant ensavadurioù liesseurt ar Broadoù unanet gwallañ ar gwirioù denel diazez war tachennoù ar sevenadur, ar yezhoù hag an deskadurezh, peurgetket gant kemennadenn an 31 a viz mae 2022 embannet gant daneveller ispisial ar minorelezhioù, danevellerez ispisial ar gwirioù sevenadurel ha danevellerez ispisial ar gwir d’an deskadurezh eus Kuzul gwirioù mabden.

Dre-se emañ Kevre Breizh a-unan gant galv Diwan ha Ti Ar Vro Gwengamp. Gervel a ra da vont holl asambles evit goulenn ouzh Kuzul departamant Aodoù an Arvor hag a zo e karg ar skolajoù hag ivez kengarget eus ar gwirioù sevenadurel, da dapout krog en e gefridi war vall o kendivizout gant obererien an dachenn.

• Crise financière et remise en question du modèle Diwan : entre aide exceptionnelle et critiques de gestion par ChatGPT le 14/10/2024
• Écoles Diwan : Une vingtaine d'élus signent une lettre au Président de la république par La rédaction le 10/09/2024
• 33èmes Puces Diwan Lannion par le 06/05/2024
• KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
• Pluenn varzhoniel Loig Kampion par Kerne Multimedia le 19/06/2023
• 21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
• Kroget eo Taol Kurun, ha kroget mat par Kerne Multimedia le 17/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Noël des Créateurs Diwan Lannion par le 04/12/2022
• Michel Chauvin reçoit le Collier de l'Hermine : Il nous faut un Diwan pour l'Histoire par Philippe Argouarch le 18/09/2022