ABP

- Papier -

Gwernioù kuzhet, ul levr brav da brofañ !

Skrivet gant Marie Josée Christien ha troet gant Jil Penneg, al levr \"Gwernioù kuzhet\" a zo ur blijadur da lenn. Fotoioù brav-eston Yann Champeau, bed kuzh lanneier Menezioù Are, a lak al lenner da veajiñ er bed-mañ hag er bed all...

Par Fanny Chauffin pour Kerne Multimedia le 30/10/22 14:41

Skrivet gant Marie Josée Christien ha troet gant Jil Penneg, al levr "Gwernioù kuzhet" a zo ur blijadur da lenn. Fotoioù brav-eston Yann Champeau, bed kuzh lanneier Menezioù Are, a lak al lenner da veajiñ er bed-mañ hag er bed all...

Er pennad-stur, digoret eo ar vro burzhudus-se gant Guy de Maupassant (Le Horla, 1887) : "N'eus netra boemusoc'h, spontusoc'h a-wechoù eget ar Yeun. (...) Rak daous ha n'eo ket en dour chag ha fankek, e leizhder ponner an douaroù gleb dindan tommder an heol ma fiñvas, ma trivlias, ma tigoras e gouloù an deiz had kentañ ar vuhez".

Dibenn-pred a ro c'hoant da vont pelloc'h er friko. Da vont gant ar poltreder war hentoù kuzh ar Yeun, dindan an erc'h, fiñvadegoù an dour, e lenner barzhoniezh verr Marie-Josée etre an haiku hag an tanka, kuzh heol war lenn Brennilis gant "c'hwezh ar soufr". Lann ha brug gant takennoù glizh warno, orkide ha taouarc'h, al latar hag ar vrumenn a lak ar varzhez da lavarout : "Glav ha latar / stnaket ar gweled / pelec'h e krog / hag e echu ar wern ?".

Embannet gant Editions sauvages e dastumadeg "Carrés de création", graet e oa bet ul labour brav gant ar skipailh. Marie José a labour kalz evit lakaat ar varzhoniezh da vout lennet, embannet, e bro Kemper, e karg eus ar gelaouenn vloaziek SQpered gouez, skrivet ganti un hanterkant bennak a levrioù barzhoniezh.

lec'hienn : mariejoseechristien.mon site-orange.fr

Gwernioù kuzhet, Editions sauvages, 2022, moullet e Breizh gant Ouest-Helio

Voir aussi :

Skyjo, ar c'hoari-taol gwerzhet ar muiañ e brezhoneg ! par BREZHOWEB le 18/11/2024
Istor ar brezhoneg gant Ronan Kalvez par BREZHOWEB le 24/10/2024
Petra nevez e brezhoneg e miz Here ? par BREZHOWEB le 01/10/2024
Enklask war ar c’hleweled e brezhoneg gant André Lavanant par Philippe Argouarch le 16/08/2024
Desketa, ur benveg nevez evit deskiñ brezhoneg ! par BREZHOWEB le 04/07/2024
Petra nevez e brezhoneg evit an hañv ? par BREZHOWEB le 03/07/2024
An drouizelezh, ur relijion ? par BREZHOWEB le 23/05/2024
Pezh-c’hoari e brezhoneg : Traez Gwaremm par Marie-Noelle Rinquin le 02/05/2024

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimedia]

Vos 2 commentaires

kris braz Le Mardi 1 novembre 2022 13:39

Menez Are, ha n'eo ket "Menezioù Are".

(0)

kris braz Le Mercredi 2 novembre 2022 16:29

Kuzhet pe kuzh ?

(0)

Commenter :

Put your name here

ABP

Agir

Nous suivre