ABP

- Papier -

Poullaouen : ur sal nevez, tud yaouank e leiz er sal ha war al leurenn !

Staliet mat an tregont stajiad, ur sal nevez flamm evit degemer danserien nozvezh ar gavotenn, ur gwir blijadur rannet etre tout ar berzhidi !

Par Fanny Chauffin pour Kerne Multimedia le 18/09/22 13:10

Berzh en doa graet ar fest-noz gant arzourien niverus war al leurenn! :

Réalisation : fea - tvbk (240 vues)

Staliet mat an tregont stajiad, ur sal nevez flamm evit degemer danserien nozvezh ar gavotenn, ur gwir blijadur rannet etre tout ar berzhidi

Da nav eur da vintin e oa erruet ar stajidi kan ha diskan "live 2", hag ar stajidi brezhoneg Poullaouen gant Francis Favereau. Labourat war dempo ar gavotenn gant Kris Menn a zo bet graet, ha kanet daou ha daou evit peurlipat al lusk, an distagadur, an doareoù da cheñch ar frazenn... Debret asambles da greisteiz ha da noz, ha setu an dud (muioc'h eget 500) da zont eus pep lec'h e Breizh eda gêrbenn ar fest-noz fin miz Gwengolo, abaoe 32 vloaz.

Piv en deus lavaret e oa brezhoneg e kêrioù bras hepken ? Amañ, b'ar vro, e begoù an dud e oa brezhoneg e pep lec'h : war al leurenn e dilhad Sul gant meur a goublad, kozh ha yaouank, Le Corre/Fustec, Diridollou/Lavigne, Sandie/Guillaume, Kris Menn/ Jean Pierre Kere... ha gant an dud a gegine, a servije bier ar vro, a zañse, a flape... Dreist ar gouel, dreist ar mennozhioù fentus (brezel etre ar fiseloù ha tud an "dañs tro", souezhadennoù d'ar sul !

Kendalc'hit "'giz 'moc'h !"

Voir aussi :

Bloavezh mat d'an holl gant sonerezh, dañs, plijadur ! par Kerne Multimedia le 02/01/2023
Krouidigezh Dastum : pa vez an hengoun o tigeriñ hentoù nevez par Kerne Multimedia le 10/10/2022
Festoù-noz er vro : etre Yaouank ha Penn Kelenn par Kerne Multimedia le 12/09/2022
Molac kaner kan ha diskan ! par Kerne Multimédia le 03/04/2021
Kan ar bobl nullet : kanit er gêr, dre skype, dansit "at home" ! par Kerne Multimédia le 01/05/2020
Kenavo Louise gaer : ur from bras e touez an dud par Kerne Multimédia le 31/03/2020
fest noz coquelicot par le 25/11/2019
Tro Menez Are – les inscriptions en ligne ouvertes par Tro Menez Are le 14/05/2019

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimedia]

Vos 0 commentaires

Commenter :

Put your name here

ABP

Agir

Nous suivre