Met piv oa Kervarker ?
Papier de Kerne Multimedia

Publié le 12/09/22 15:49 -- mis à jour le 12/09/22 15:49
prezegenn Fañc Postic, Donatien Laurent hag ar Barzaz Breizh :
Réalisation : fea - tvbk
(88 vues)

E-pad un eurvezh ha kard e oa chomet aketus-tre an 50 a dud deuet da selaou Fañch Postic, kroget en doa, asambles gant Milena Secher ha renerez ar vediaoueg, Flavie Rouanet da enoriñ Marijo Mellouet a oa tost-tre deus outo.

Toutes nos newsletters et tous nos agrégateurs sont gratuits ! Abonnez-vous !

Petra zo bet desket gant ar berzhidi ? Kroget en doa Fañch Postic da labourat gant Donatien Laurent pa oa ur studier yaouank e Brest. Iz-rener Ar Men en doa kenlabouret kalzig gantañ ivez, pa oa bet embannet da vat "Les carnets du Barzaz Breizh" gant le Chasse-Marée. Rener ar CRBC e-pad pell e oa bet o labourat gant Fañch evit krouiñ ar greizenn lennegezh dre gomz, staliet e Kernot, gant ar CNRS (25 vloavezh da heul).

Met perak e oa bet ken diaes da asantiñ e oa ur "gwir" dastumadeg, al labour graet gant Kervarker ? E 1960 embannet e oa bet tezenn Gourvil en doa c'hoantdiskouez e oa bet ijinet 100% ar pezh oa e Barzaz Breizh... Donatien Laurent ne oa ket ganet evit bout klasker, a-drugarez (evidomp) d'ur gwallzarvoud spontus (koma), en doa kuitaet e raktres micher e Pariz (gwir, koñvers, skolioù meur ar gêrbenn...) evit foetañ bro gant un Nagra oc'h enrollañ tud ar vro.

Darbet en doa studiañ dastumadeg Le Diberder, met 'benn ar fin e oa bet divizet gantañ labourat war ar Barzaz Breizh.

D'ar 16 a viz Genver 1975 e souten Donatien Laurent e dezenn gant Guilcher, Le Goff, Mercier, Falc'hun. Met embanner ebet evit skignañ ar pezh en doa dizoloet. Ret e vo gortoz evit an embannadenn. Gant gwerz Loeiz le Ravallec e oa bet displeget gantañ : "la gwerz se pose en gardienne de la mémoire sociale". Ar Barzaz Breizh ? Oberenn ur skrivagner pe un dastumer ? "Evel en dije kutulhiet war ur prad ar bleunioù bravañ, ha laosket e kichen ar re ne oant ket ken brav" a respont ar c'hlasker.

Aozet e oa bet ur c'hollok e 1989 e Kernot, un abadenn c'hoariva leurenniet gant Ar Vro Bagan e maner Kernot. E 2006 oa bet soutenet tezenn Nelly Blanchard diwar ar Barzaz Breizh ivez.

D'an 30 a viz 2011 e oa bet lakaet dielloù Kervarker e Kuzul Meur Penn ar bed evit ar wech kentañ. Gant Donatien Laurent oa bet roet 600 eurvezh enrolladennoù hag a brou pegen tost eo testennoù dastumet gant Kervarker ouzh sonennoù hengounel ar vro.

Ha komz a rae brezhoneg an Aotrou Kervarker ? N'eo ket sur, hervez Fañch Postic. Evitañ e chom ur bern traoù da studiañ c'hoazh. Gant tout ar pezh a zo bet skrivet diwar benn ar Barzaz Breizh e chom pikoù goulennata e leiz ... N'eo ket echu al labour, pell alese !

Fanny Chauffin

Voir aussi :

0  0  
mailbox
imprimer
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Vos 1 commentaires
Naon-e-dad
2022-09-13 11:14:36
Ma ne ouie ket Kervarker ar yezh, en em c'houlennan penaos eo deuet a-benn da skrivañ notennoù (pozioù eus ar c'hanaouennoù).
.
.Marteze ne rae ket-eñ gant ar yezh, pe ne veze ket en e bleud a-walc'h evit kaozeal. Mes gouestl eo bet da selaou ouzh an dud d'an nebeutañ. Ha da gompren petra a veze klevet gantañ. Pe neuze, daoust hag e veze ur Yann vrezhoneger bennak gantañ, war an dachenn, evit dastum an danvez?
.
(0) 
ANTI-SPAM : Combien font 6 multiplié par 5 ?
Cet espace est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés.
MERCI DE RESPECTER LA LANGUE DE L'AUTEUR de l'article et donc des lecteurs. Les articles écrits en français doivent être commentés en français, les articles écrits en breton doivent être commentés en breton. Cacophonie ? Merci de ne pas mélanger les langues dans le même commentaire, sauf pour la traduction intégrale du commentaire.