Gant an amzer vrav, daou vloavezh ehan pe dost, e oa gortozet gant tud ar vro ha tud sot gant ar c'hoariva er straedoù, ar brasañ festival gouestlet d'an arzourien-se e Breizh, ha n'int ket bet dipitet, war a seblant

3000 a dud war dachenn velldroad An Arhanaou, miliadoù a dud bemdez e Lokunole, Tremeven, Banaleg, Molan, Kemperle, Rieg... Penaos dibab pa vez abadennoù d'an hevelep eur ? Penaos kavout ur plas evit parkañ an oto ? Penaos debriñ ? Azezañ ? Aze e vez gwelet daou seurt a arvester : an hini boaz hag a ra pemp abadenn bemdez, gant ur gador a bleg, ar bara pok ha pok er sac'h kein, ul levr pa vez hir an amzer da c'hortoz... hag ar re nevez erruet, kollet buan, hag a zo a-dreñv ar re "a oar", ne welont ket kalz a dra, ha gantañ kilometradoù d'ober war ar straedoù...

Hag an abadennoù, emit-hu ? Abadenn ebet e brezhoneg, netra skrivet, ger ebet e brezhoneg er program, " ecocups " gant gerioù e brezhoneg, n'eus ket ken. Ha neuze, tud Breizh a zo ?

An div danserez Distro a zo eus an Oriant, Groove Cie a gont ur soner a zo chom ba Kemperle, Kumpagnuniezh Derezo a labour e Brest abaoe 20 vloaz, tud Becherel (L'instant dissonant), tud Roazhon (Version 14), Plañvour (La fugue), 27 strollad en holl, 22% eus ar vro. N'eo ket fall...

Met pep tra a zo divizet gant Le Fourneau e Brest, kinnig ebet o tont eus ar vro. Petra ra an dud aze ? Ar surentez (15 karr-tann "maout", evit Kemperle hepken), ar boued (kevredigezhioù lec'hel, anvet "espaces de convivialité), ar parkoù-lec'h (tud paeet gant le Fourneau kar ne vez kavet den ebet evit seurt labour, anat deoc'h...)...

Neuze, perak nompas implij energiezh an dud, spered krouiñ war an dachenn a zo gant an dud, sonerien, aktourien, grafourien, danserien... evit sevel div abadenn "e ti-annez" da skouer ? War ur sujed dibabet amañ, labouret 'pad ar bloaz, liammet gant an dud a youl-vat, gant barregezhioù ar vro, batimantoù, savadurioù istorel, lec'hioù brav... ha treiñ war lerc'h e anv ar vro ivez ?

• Le festival Gallo en scène - 4 minutes de temp par Galoweb le 17/12/2024
• Le 54e Festival Interceltique de Lorient : à l’honneur, « Les Cousins d’Amérique » par ChatGPT le 29/11/2024
• The 54th Festival Interceltique de Lorient: Honoring par ChatGPT le 29/11/2024
• Le festival Jazz à l'Ouest 2024 par Agnieszka Misiura le 26/11/2024
• Mikael Bodlore-Penlaez reçoit le prix Europe Altre lors du festival SUNS Europe en Italie par la rédaction le 29/10/2024
• Le 34e festival Jazz à l'Ouest aura lieu très bientôt ! par Agnieszka Misiura le 18/10/2024
• 20 bougies pour le festival Court Métrange ! par Agnieszka Misiura le 07/10/2024
• 54th Lorient Interceltic Festival, Les Cousins ​​d’Amérique par Breizh Amerika le 27/09/2024
• Au festival interceltique, l'ICB fait dialoguer jeunes Irlandais, Écossais, Gallois et Bretons sur l'identité celte par Philippe Argouarch le 17/08/2024
• Motocultor festival 2024 par le 15/08/2024