Pezh a sinifi e vo un istrogell o jestraouiñ hag o c'hallegañ en e vikro. Ur wech dija em eus bet ranket gouzañv kement-se. Ne vin ket tapet div wech.

Er bloaiou 90, en ur gaozeal gant kamaradez ma breur, e kleven penaos e oa hi gournizez ar verourez gozh a oa o chom ba ti-feurm Keransker. Setu un deiz, me oc'h antreal ba damani Keransker ha da skein war zor ti an hani gozh hag a oa nepell deus ar maner. Hounezh, me 'm eus sonj mad, a oa genidig deus Banaleg.
Dirak pep ur banne kafe, setu hi o kontan din e Brezhoneg, penaos ur wech he doa hi gwelet ar jeneral (mab-bihan ar barzh Kervarker) o teurel maez deus unan deus fenestrou estaj kentan ar maner, ur bochad paperiou, pere oant bet lakaet ba'r boubelenn war-lec'h. Hervezi, en doa ar jeneral graet an torfed-se ablamour e oa fumet, (ne oa ket hi evit gouzoud perak). Ar vaouez-gozh a lare din e oa aet da savetein ul lodig deus ar paperajou-se diouzh ar boubelenn, ha rein anezhe d'he nizezed pe nized.
Goude bezan bet gwelet an hani gozh, em eus bet ar c'honfirmation, gant unan deus ar familh, e oa ar paperajou gante, ha lizhiri gant Ernest Renan ba o mesk. Siwazh, pa 'm eus goulennet gwelet ar paperiou-se, en ur lar e vefe interesset ma c'helennerien deus ar Gevrenn geltiek da c'houzoud muiac'h diwarne, me 'm eus bet ar c'habestr ! "N'ouzer ket ba pelec'h 'm eump miret 'ne", "ne greder ket emaint ganemp ken" ha digarezhiou all... Dao eo din anzao penaos ne oan ket o c'hortoz sort doareou gante. Seul vui e c'houlennen gweloud ar paperiou, seul vui e nac'hent ouzhin, setu e oan bet tapet fall. Ur gentel m eus desket ar bloaz-se, met ur gentel boanius avat.

Pell a tart kol ar gol hen er gumen!