ABP

- Chronique -

Programet e oa ar Bikez evit Festival Faltazi Kemper

Ur film berr skoazellet gant Kumuniezh Kumunioù Kemperle ha Kuzul Meur Penn ar bed a gont istor ur plac'hig e 1928

Par Fanny Chauffin pour Kerne Multimédia le 27/04/20 20:28

Pikez blev du :

Ur film berr skoazellet gant Kumuniezh Kumunioù Kemperle ha Kuzul Meur Penn ar bed a gont istor ur plac'hig e 1928.

"Pikez blev ruz" , skrivet gant Denise Le Franc, 98 vloaz hiziv, a oa bet dibabet e 2009 gant ar vugale evit kenstrivadeg priz lennegel evit ar yaouankiz "Priz ar Vugale" e fin miz Even. Un eil levr a oa bet embannet da heul, e 2014, "Avanturioù Zett", dibabet gant ar vugale ivez. An daou istor a gont sotonioù ur plac'hig war ar maez, doare "Pipi Langschtrumpf", e 1928, oc'h ober goap ouzh ar seurezed, o kas avaloù ferv dezho...

Bugale Diwan Kemperle oa aet betek skol Botoa evit kavout ul lec'h a glote gant ar film istorel-mañ. Div gomedianez, Jysell Ar Gurudeg hag Evelyne Janot oa ar seurezed. Hag an tad kozh ? Jean Bernard Huon, skoazellet gant Jo Derrien, hag ur charaban kozh a 100 vloaz, hag ur gazeg jantil ken ha ken, Monette. C'hoariet oa bet dudenn ar sakrist gant David Païs.

Skignet e vefe bet e miz Meurzh e Kemper, e festival ar film otoproduet Faltazi, nullet abalamour d'ar c'horonavirus.

Sevenet gant féa, filmet ha frammet gant Kaouenn, embregerezh kleweled Kemper, skignet e oa bet e sinema Le Kerfany ba Molan dirak 200 a dud, hag e Kemperle e-pad festival Taol Kurun e miz genver 2020 dirak 150 den. Goulennet e oa bet un heuliadgant ana avesterien hag ar vugale, kement a avañturioù all a zo da gontañ ! Galv neuze d'an dud dedennet evit ma vefe un heuliad, ha doareoù da arch'antaouiñ anezhañ, kit e darempred gant afea [at] laposte.net.

Voir aussi :

Faot a ra deoc'h skrivañ un abadenn evit Brezhoweb ? par BREZHOWEB le 12/07/2024
Morgan Large : an eilvet gwech e korf daou vloaz, trawalc'h ! par Kerne Multimedia le 30/03/2023
Breskenn : priz an aozerien dec'h e Kemper par Kerne Multimedia le 03/10/2022
Deuit disul da Gemper : 8 film berr krouet e 48 eurvezh diskouezet d'an arvesterien ! par Kerne Multimedia le 27/09/2022
Festoù-noz er vro : etre Yaouank ha Penn Kelenn par Kerne Multimedia le 12/09/2022
Brezhoneg ha gallaoueg e Ciné FIL : interessant atav ! par Kerne Multimedia le 25/08/2022
Troiad sinema evit ar vugale : adkroget eo ! par Kerne Multimédia le 10/03/2022
Micherioù ar c'hleweled e brezhoneg par BREZHOWEB le 20/11/2020

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 0 commentaires

Commenter :

Put your name here

ABP

Agir

Nous suivre