Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Chronique -
Penaos e oa, ar vuhez en Oriant 'pad ar brezel ?

Deuet e oa hiziv Denise ha klasad Valerie da welladenniñ ar repu plasenn Alsace Lorraine evit kompren gwelloc'h mare diaes distruj an Oriant

Fanny Chauffin pour Kerne Multimédia le 15/12/17 23:19
:
Réalisation :

Deuet e oa hiziv Denise ha klasad Valerie da welladenniñ ar repu plasenn Alsace Lorraine evit kompren gwelloc'h mare diaes distruj an Oriant.

Start e oa bet evit ar vaouez, bet plac'h yaouank, matez en Oriant hiziv oadet a 94 vloaz, da ziskenn an diri betek ar repu, ken bras e oa ar from eviti. Gwelloc'h e oa gortoz displegadennoù an henterez a zisplege d'ar vugale penaos e oa, pa oa ar soniri o skreñjal ba straedoù an Oriant, miliadoù a dud o tiskenn e lec'hioù repu a oa e kêr an Oriant. 80 000 bombezenn a zo kouezhet amañ, gant ar c'hoant distruj penn da benn al lec'h a oa alooubet gant an Alamaned evit o listri-nij. 350 den marv, war ur boblañs 51 000 a dud, a-drugarez da dud fur a ziskenne bewech, pe a yae kuit eus kêr evit mont da Bloue, Kemperle, kichen Paris...

Penaos e oa, ur wech diskennet e lec'hioù evel-se ? Teñval spontus, gant soudarded e kichen (savet oa bet al lec'hioù-se evito da gentañ), ur c'hwezh fall spontus (betek peder eurvezh, c'hwec'h a wechoù), ur marc'houarn evit aveliñ al lec'h, tud o lavarout o chapeled, tud all gant un aon spontus...

Ha Denise da zisplegañ penaos e oa bet pa oa distrujet an ti e lec'h e oa o chom, pegen start oa ar vuhez, gant mann ebet da zebriñ, gant an aon da vout tapet gant soudarded e straedoù teñval An Oriant, pa zistroe da gousket, hec'h-unan, matez da 17 vloaz gant kerent e Lokmaria-Gwidel...

Voir aussi :
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all Kerne Multimédia
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 8 multiplié par 6 ?