17vet pennad war istor Diwan ha nerzh krouiñ e brezhoneg. Perak e ranker kaout konkourioù, kenstrivadegoù... evit broudañ ar c'hrouiñ, al lenn, ar skrivañ ?

Kan ar Bobl : ur mennozh ganet e penn Polig Montjarret pa oa e Bro Gembre o welet live sonerezh an dud a sone hag a gane tonioù hengounel. Hiziv an deiz kanerien ha sonerien a-vicher a zo evit ul lodenn vras anezho tremenet dre ar c’hoñkour ganet en Oriant : Nolwenn Korbell, Yann-Fañch Kemener, Erik Marchand, Marthe Vassalo, Ronan Guebleiz, IMG, Nolùen ar Vuhé ...

Prizioù evit ar ganerien hag ar strolladoù

Alies e vez roet prizioù d’ar sonerien bagadoù, akordeoñs... Evit ar c’han emañ Kan ar bobl evit ar c’han hengounel dreist-holl hag an Taol Lañs evit ar strolladoù sonerezh a ijin pozioù nevez. E-kerzh eizh vloavezh, e oa bet trec’h c’hwec’h gwech ur strollad o tont eus Diwan.

Taol Lañs (hag an Erer kozh da heul), ar re a zo bet trec'h : Iwan B (2007), Gimol Dru Band, Egin, Roc'k'n Diroll, Lunch Noazh, Burtul, Adnoz, Silwink, ...

Prizioù evit ar skrivagnerien

Evit an danevellerien e vez muioc’h-mui a goñkourioù : hini kêr Karaez da geñver gouel al levrioù e miz Here, hini kêr Redon, hini foar levrioù ar re yaouank e Sant-Varzhin-war-ar-Maez...

E-kerzh 13 bloavezh e oa bet meur a lisead Diwan o kemer perzh e Priz ar Yaouankiz hag o vezañ trec’h : Gwenvred Latimier-Kervella gant « Hunvreoù » (2004), Moran Dipode ha Marianna Donnart gant « Brezel an erevent » (2005) ha « Hudour an tour du » (2006), Ewen Jacq gant « Chase Valeeg » (2013). Evit Priz ar Vugale, Carl Diekman gant « Den Bleiz » e 2012.

Kenstrivadeg Montroulez a zo bremañ evit festival "La Baie des Livres", e Redon, Kemper, Karaez. Ar pezh zo mat, kar e vez brudet meur a hini, ha war lerc'h e vez bouetet kazetennoù evel al Liamm, pe Ya !, pe...

Met ouzhpenn d'ar c'henstrivadegoù zo ar c'hoant da sevel ul lennegezh e brezhoneg, gant tud ne skrivont ket e galleg, pe ral-tre. E-pad ar saloñs e vo gwelet lod anezho, gant ma vint trugarekaet evit o labour ha liesseurted kinnigoù lennegel a vez kinniget ganto.

• Crise financière et remise en question du modèle Diwan : entre aide exceptionnelle et critiques de gestion par ChatGPT le 14/10/2024
• Écoles Diwan : Une vingtaine d'élus signent une lettre au Président de la république par La rédaction le 10/09/2024
• 33èmes Puces Diwan Lannion par le 06/05/2024
• KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
• Pluenn varzhoniel Loig Kampion par Kerne Multimedia le 19/06/2023
• 21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
• Kroget eo Taol Kurun, ha kroget mat par Kerne Multimedia le 17/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Noël des Créateurs Diwan Lannion par le 04/12/2022
• Michel Chauvin reçoit le Collier de l'Hermine : Il nous faut un Diwan pour l'Histoire par Philippe Argouarch le 18/09/2022