ABP

- Chronique -

Lenn ha skrivañ e brezhoneg hiziv : piv a ra ?

15vet pennad war istor Diwan, diwar an ezhommoù lenn a oa e penn kentañ ar skolioù, hag ar pezh a zo bremañ evit reiñ c'hoant da lenn ha da skrivañ ul lennegezh e brezhoneg.

Par Fanny Chauffin pour Kerne Multimédia le 8/10/17 22:14

15vet pennad war istor Diwan, diwar an ezhommoù lenn a oa e penn kentañ ar skolioù, hag ar pezh a zo bremañ evit reiñ c'hoant da lenn ha da skrivañ ul lennegezh e brezhoneg.

Lenn ha skrivañ e brezhoneg hiziv

E penn-kentañ ar skolioù Diwan e oa bet krouet buan a-walc’h ti-embann An Here, gant Martial Menard ha Daniel an Doujet. Mod-se oa bet e pep skol Diwan, gourc’hemennet dre ret, ur bern levrioù e brezhoneg : troidigezhioù dreist-holl, bannoù treset, albomoù evel Spot pe Gatell Skubell... Siwazh e oa aet an Here d’ar strad, erlec’hiet tamm-ha-tamm gan Keit Vim Bev, Bannoù Heol,... ha TES a embann kalzig a levrioù skol ha dudi digoust evit ar skolioù.

Hag al lennerien ?

Siwazh eo al lenn e brezhoneg afer ar skol muioc’h eget afer an ti. Ne vez ket prenet kalz levrioù gant ar familhoù. Neuze, ne c’hellfe ket al lenn e brezhoneg mont er-maez eus ar skol ? Koulskoude hiziv an deiz e vez tud a skriv ingal evit ar re yaouank evel Jakez Erwan Mouton, Mai Ewen, hag un 50 bennak a dud a vez o krouiñ istorioù nevez e brezhoneg. Dont a ra ar gudenn eus ar re deuet ivez : ar gelennerien hag ar skolaerien n’int ket holl lennerien, nag er c’hentañ nag en eil derez. Un enklask a ziskoueze koulskoude e lakae kelennerien ar skolajoù hag al lise Anjela Duval, ha Mich Beyer e penn o levrioù muiañ-karet e 2015.

Prizioù, koñkourioù evit broudañ al lenn ?

Lenn ha dudi, Priz ar Yaouankiz ganet e 2004, Priz ar Vugale abaoe 2008, Priz ar bannoù treset, koñkourioù danevelloù Redon, Karaez … : anat e ra berzh ar c'hoñkourioù lennerien ha skrivagnerien, gant mil a vugale hag a dud yaouank o votiñ evit o levr muiañ-karet. Levrioù berr,skeudennet brav, maketennet brav. Abaoe pevar bloaz ez eus tu da selaou an istorioù gant un enrolladenn evit ar re CE/CM a-drugarez da labour vrav Sten Charbonneau asambles gant kevredigezh féa ha Keit Vimp Bev.

Er c’hlasoù e vez gwelet neuze lennerien yaouank ampart, gouest da zifenn o levr, gant ur varregezh lenn don ha plijus. Perak ne gendalc’hfe ket goude, e fin ar skolaj ? Gwasket e vefe al lennerien gant an niver a levrioù, romantoù gallek ha saoznek, pe levrioù ha na glotont ket gant ar pezh a c'hortozont ?

Voir aussi :

Pluenn varzhoniel Loig Kampion par Kerne Multimedia le 19/06/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
Kroget eo Taol Kurun, ha kroget mat par Kerne Multimedia le 17/01/2023
Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
Tud a youl-vat : hepdoc'h, festival ebet neblec'h par Kerne Multimedia le 01/09/2022
An dorgenn, ul lec'h nevez er festival par Kerne Multimedia le 20/08/2022
Marijo Mellouët aet d'an Anaon : bro Kemperle e kañv par Kerne Multimedia le 22/07/2022
Erruet ar Redadeg e Gwened gant 5000 a dud par Kerne Multimedia le 29/05/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 0 commentaires

Commenter :

Put your name here

Lenn ha skrivañ e brezhoneg hiziv

Hag al lennerien ?

Prizioù, koñkourioù evit broudañ al lenn ?

ABP

Agir

Nous suivre