ABP

D'ho pluennoù ! Bemdez e-pad ur mizvezh, betek an 31 a viz Meurzh e vo kaset haiku war an tem roet bep mintin.

An trede bloavezh eo. 'Bloaz paseet un daouzeg bennag a skriverien a gase haiku war an 31 ger a oa bet kaset dezho. Gant ma vint niverus ar bloaz-mañ evit aloubiñ ar web gant keloù mat ha gerioù e dilhad Sul gant an haiku nevez skrivet !

D'ar c'hentañ a viz Meurzh : al ludu

ar bajenn evit kas ho haiku ha lenn anezho : (voir le site)

Eostad ar bloaz paseet :

Haiwrimo – Haiskrivmiz

01 03 2016

E-touez ar geot

loenedigoù a bep seurt

saout o taskiriat.

Kirill Giraudon

Ur palenn war ar geot

Buoc'hig-doue

O redek war ma c'hroc'hen.

Gwenvred Latimier-Kervella

Geotenn ar werc'hez

levr kozh Jakez Riou

poultrenn hag awen.

Milena Krebs

Tamm ha tamm e teu

ar geot lentik ha tener

en nevez amzer.

Regine Guillamot

E-kreiz geot ar c'hleuz

e tihun lentik

promesa an hañv.

M.Ewen

02 03 2016

Kamp repuidi

daeroù c'hwerv ar bugel

o ouelañ d' e vamm.

Kirill Giraudon

Heol el liorzh

blaz c'hwerv war an teod

mat e vo ar chistr.

Milena Krebs

Pegen mantrus eo

darvoudoù c'hwerv er bed holl

en nevez amzer.

Regine Guillemot

War daol ar gegin

Ma banne sitroñs tomm,

C'hwervoc'h heol miz Meurzh

Annaig K

Ar goañv o pellaat,

aet he c'haredig ac'hann,

c'hwerv he soñjoù.

isabel Araujo

Difoupet an naer

diouzh he zoull klouar -

eñvorioù c'hwerv.

M.Ew.

C'hoant pellgomz d'am mamm-gozh

blaz c'hwerv ar wirionez

ma-unan on bremañ.

Gwenvred L.

03 03 2016

Ened Douarnenez

ur maskl Zorro war e fas

fier-ruz ar mous.

Kirill Giraudon

Bev bev mik

dindan maskl ' c'hroc'heneg

Kernitron al lann.

Milena Krebs

Ha tennet e vo maskl

an demokratelezh ?

fas gwirion Bro-C'hall.

Kirill Giraudon

Maskl kartoñs an ened

Daoulagad hep sell -

Spont ar bugel.

M.Ew.

Ger ar 04 03 2016 : ar pintig

Kousk-ahez er jardin

un abadenn a-feson

kan skiltr ar pintig.

Kirill Giraudon

Ar pintig er gwez

' baouezo ket da gano

daoust d'ar skorn.

Pintet ar pintig

war skourr an halegenn

ar richer a red.

Ger ar sadorn 5 a viz Meurzh 2016 : chom

Chom bev, chom plom

setu ar pezh a lâr, trist

an intanvez nevez.

Chom pe monet kuit

kenderc'hel pe koll kalon

amañ 'mañ an dalc'h.

Regine Guillemot

Chom hep fichal

gourvezet war ar prad

dindan an neñv dinamm.

Mew.

Koumoul o redek

chom da sellout outo

ar wennili gentañ.

Kirill Giraudon

Ger ar sul 06 03 2016 : aon

Aon bras da goll

e skiant hag e vuhez

gwriet e vuzelloù.

Skeudennoù diniver

naonek a beoc'h -

aon rak an estren.

War an treuzoù,

chomet seizet ma c'harantez,

Aon rak he nerzh

Annaig K/

Soniri skiltr

ar pellgomz e-kreiz an noz,

kofad aon du.

Annaig K/

Ger al lun 07 03 2016 : an erc’h

Un tamm paper gwenn

evel an erc'h war ar maez

perak louzañ 'nañ ?

Didrouz eo pep tra

erc'h 'zo bet war ar vro

kened eo pep tra.

Kirill Giraudon

Ebola zika

evel ar vosenn gwechall

aon 'zo da gaout.

Kirill Giraudon

Salud gwenn ar foeon

pleget o fennoù aour,

alazig mil pok erc'h.

Annaig K/

Gwenn ha klet

Menez Bre dindan e c'holc'hed erc'h

Sevel ri Gwenc'hlan ?

Annaig K/

Didrouz an erc'h

o nijal e pluennoù -

Mougañ ' ran.

Mai Ewen

Ger ar meurzh 08 03 2016 : gouelañ

Teulfilm en ordi :

o ouelañ dourek, dirak

karantez daou baotr.

Kerezenn o ouelañ

gant an avel,

daeloù roz em blev.

Annaig K/

Sonennoù lirzhin

ha tonioù evit gouelañ

musik Iwerzhon.

Kirill Giraudon

Ger an 09 03 2016 : Labous-mor

Chomet hep tamall

an avel vor hag ar glav

bout ul labous mor.

Barrad-amzer

ar mor ' tiswennañ -

diseblant al labous-mor.

Mew

Al laboused-mor

puchet war ar groashent-tro

kemenn gwallamzer.

Kirill Giraudon

Tro-dro d'al lastez

emgav al laboused-mor

sal-debriñ nevez.

Ger an 10 a viz Meurzh : Bale

Bale disoursi

o selaou an douar :

un dihunig glas.

Merc'hig ha mamm-gozh,

dorn-ha-dorn o varvailhat,

tenerat bale !

Annaig K/

Bugel diarc'hen,

kammedigoù diasur,

Trec'h meur ar bale.

Annaig K/

Bale dre al lann

skrilhed hag alc'hwedered

a son a bep tu.

Kirill Giraudon

Ar vale eeun

War-zu ar bez -

Dec'h c'hoazh oan bugel.

M Ew

Bale en avel

kezeg skreved herlegoned

er memes park.

Brav ez eo bale

A soñje ar verienenn

Tost eus ar maen-sukr

Ger ar gwener 11 a viz Meurzh : al loar

Lagad bras an troll

forest an Hedad, loar

va bugaleaj.

Grilhed ha raned

a lid al loar-gann o sevel

frond ar wezenn-dilh.

Kirill Giraudon

Ganin 'hed an hent

ur vignonez a-feson

al loar-gann ken splann.

Echu an emvod

straedoù didud ar gêr vras

falz lemm-aour al loar.

Annaig K/

War o z-hirt du

yud ur bleiz d'al loar-gann

stourm an Indianed.

Annaig K/

Tavet ar gaouenn,

ar bed en deñvalijenn,

mougadenn al loar.

Izabel Araujo

Loar-gann

yudal ar spont difoupet

diouzh ar bugaleaj.

M.Ew.

Sklêrijenn al loar

war al liorzh vras didrouz

peoc'h misterius

Ger ar sadorn 12 a viz Meurzh : ar big

Kan divalav :

ar big a glask 'ar an hent

restachoù an noz yen.

Staj brezhoneg hiziv

lorc'h an alarc'h war ar stêr

pig pe vran a gan.

Regine Guillemot

Ragach kreñv div big

heuliad nijadennoù berr

lez pe vreutadeg.

Piged ar c'harter

bodet dindan an dervenn

ragach ha safar.

Jirill Giraudon

Eus ar gerezenn

betek ar binenn

ragach ar big saverez.

M.Ew.

Ger an 13 03 2016 : ar velion(enn)

War ar c'hlazenn c'hleb

stergannet a velion

perlez ametist.

Annaig K/

An douzerez geot

a-dal d'ar velionenn vrav

trec'h ar goantenn vresk.

Ar melion bihan

'barzh da oto n' o gwelez ket

a-hed ar c'hleuzioù.

Kirill Giraudon

Melionenn sukret,

boked uvel ar c'hleuzioù,

madig ar bugel.

Izabel Araujo

Fleur glas-wenn ar voger

evel ur velionenn vras

echu eo ar goañv.

Ger al lun 14 03 2016 : klask

Raden sec'h beuzet

dindan ar glav

klask a ran ma hent.

Klask hag e kavi

Striv hag e teui a-benn

'Rabat koll kalon.

Regine Guillemot

Bugale laouen

strewet e liorzh Mamm-gozh

o klask vioù Pask.

Hervé Latimier

Ger ar 15 03 2016 : karr-samm

Paz ar c'hozh karr-samm

flaer gazol gantañ -

analañ ar rannigoù fin.

M.Ew.

Ger ar 16 03 2016 : yen (ijenn)

Yen-ki an amzer

a soñj ar c'hazh o kousket

e-tal an oaled

War e galon noazh

o c'houlenn an aluzenn,

digasted yen-sklas.

Annaig K/

Ger ar yaou 17 a viz Meurzh : park

Galv dous ar plac'hig

An tad-kozh e foñs ar park

Poent eo debriñ lein

Anvioù kantvloaziek !

parkoù freuzet, distrujet,

trec'h an ankounac'h.

Annaig K/

Park an Dimezell

touzet ha teilaet

- Keuz da frond ar melchon.

M.Ew.

Mesk-ha-mesk er park

saout hag herlegoned gwenn

oabl gris fin ar goañv.

Kirill Giraudon

18 oabl, neñv

Selloù direbech

par d'un oabl digatar

met piv eo an toueller ?

Annaig K/

Tra ma paro an heol

warnomp pep hini d'e dro

'Vo kalon er vro.

Rejin Guillemot

Lamm-froud yen marzhus

bannoù an heol o c'hoari

kanevedenn fru.

Kammedoù kentañ

war an traezh klouar ha gleb,

boulc'het hent ar bugel.

Annaig K/

Divfronell klouar,

c'hwirinadenn veure,

flourig d'am c'hazeg.

Annaig K/

Traezhenn wenn, dour sklaer

neuial tostik d' hor c'hezeg

mor klouar Bro -C'hres.

Glav ebet, skorn

o wennaat an douar, hag

ar bronsoù tener.

Teñval-sac'h an oabl

ur barrad-glav o tommañ

uhel eo ar mor.

Kirill Giraudon

Er skol e skriv,

dre ar prenestr, an heol gwenn

ar varzhez eizh vloaz.

Digor war ar bed

ha war jeu ar vuhez

daoulagad ar barzh.

Kirill Giraudon

Richan an evned

Barzhed diaes da gompren

Bamus koulskoude

Mammig he skoaz tener

' gemer chagrin karantez

he c'hennardez.

M.Ew.

Start bezañ krennard

koulskoude e chom tud zo

a-hed o buhez

Mut, serret warni

ne wel ket ar vuhez o tihun.

ne zebr ket mui netra.

C'hoantoù o dazont

evel bigi distabil

war-raok ? war-gil ?

Annaig K/

C'hwil-derv miz Mae

mezv gant ar spern-gwenn e bleuñv

aet eo da gousket.

Kirill Giraudon

War an dervenn gozh

delioù bihan glas-tener

burzhud fin miz Meurzh.

Kirill Giraudon

Hag ankouaet hon eus

omp bet krennarded ivez

adober ar bed.

Kirill Giraudon

500 bloaz 'bord ar stêr

brankoù torret, ruskenn galet

Rouanez gwez-derv.

Difiñv war ur bank,

Dindan bolz an derwenn gozh,

He selloù kollet.

Izabel Araujo

C'hwil-derv miz Mae

mezv gant ar spern-gwenn e bleuñv

aet eo da gousket.

Kirill Giraudon

War an dervenn gozh

delioù bihan glas-tener

burzhud fin miz Meurzh.

Kirill Giraudon

E skeud an dervenn

N'eo ket torret nerzh an deiz

Evajoù war an daol.

War ar blasenn vras

red ha kej tud ar bourk,

feal, an dervenn.

Annaig K/

Lugan, fulor ruz,

dibunadeg er straedoù

an heol o c'hoarzhin.

Annaig K/

Evel ur rouanez

kaerat gwezenn stad enni

an dervenn habask.

Regine Guillemot

'N desped d'an amzer

daoust da galetat keloù

c'hoarzhomp a-bouez penn.

Regine Guillemot

Frond ha koroll

stlejerioù karget a deil -

an heol o c'hoarzhin glas.

Mai Ewen

C'hoarzadegoù mouk

e kreiz ar c'hlas, dirollet

daeroù kuzhet dezhe.

Kalz vioù-koukoug

A-stlabez er romantoù

Hurlink embanner

C'hoarzhin a ra vad

er bed a-vremañ, siwazh

alies c'hoarzh glas.

Buan, paotr Leclerc

a skarzh uioù chokolad :

echu foar Pask.

Brall ar c'hleier

vioù poazh livek

pennadig a beoc'h.

M.Ew.

'Istribilh er gwez

kuzhet er geot vioù

c'hoarzh ar vugale.

Kirill Giraudon

Koeñvet eo ar mor

fru strink hag eon diroll

skreved o c'hoarzhin.

Gwelet konifled

O tañsal plin kreiz an noz

Ed-du betek re

Ur c'had dirazon

an oto e brumenn an noz

bras evel ur c'hi.

Bale el lanneg

konifled o c'haloupat

o lost bihan gwenn.

Strewet el liorzh

lapinigoù chikola

- Joa digoachet.

Mai Ewen

Sonerezh Brieg

war leurenn Glenmor - liseidi

dirollet da vat.

Dirollet an avel

ar goumoulenn bounner

' ziskarg he fulor.

M.Ew.

'Kreiz ar gorventenn

ur bern tud oc'h enrollañ

ar mor dirollet.

Daoust d'al ludu

d'an teilh, d'ar parkeier mouk

glas tener an delioù.

Mousc'hoarzh tener

an heol ' skediñ war ar Bed -

Ne bado ket.

M.Ew.

Strewet e pep lec'h

broñsoù ha delioù tener

barr-amzer diroll.

Bugale laouen

brezhoneg leun o genoù

n'eo ket echu.

Voir aussi sur le même sujet : haiku, krouidigezh, lennegezh

Kenstrivadeg haiku : daou viz a chom evit kas ho re ! par Kerne Multimedia le 04/01/2023
Haiskrivmeurzh : 342 haiku ! par Kerne Multimédia le 17/04/2022
La cueillette des mûres, Pierre Tanguy par Brigitte Maillard (Monde en poésie) le 18/03/2021
Haiskrivmeurzh : kregiñ a ra hiziv ! par Kerne Multimédia le 01/03/2021
1318 Haiku resevet : Kenstrivadeg Taol Kurun a ra berzh par Kerne Multimédia le 02/02/2021
Gouelioù laouen d'an holl ! par Kerne Multimédia le 25/12/2020
366 haiku, disoc'h ugent vloavezh a varzhoniezh poblek par Kerne Multimédia le 17/12/2020
600 haiku erruet dija : chom a ra 21 devezh par Kerne Multimédia le 09/12/2020
Barzhoniezh ha kleweled : Haruto hag Akina par Kerne Multimédia le 30/04/2020
Un coup de jeune sur Taol Kurun 2018 ! par Kerne Multimédia le 25/12/2017

ABP

Agir

Nous suivre