Put your name here

Brudañ, strollañ, stummañ : setu aze palioù ar gengevredigezh C'hoariva. Dek vloaz war lerc'h, petra zo deuet da vout palioù ar gevredigezh ?

Pemzeg den bodet e presbital kozh daou zevezh da heul evit prederiañ, selaou Francis Favereau ha klask tresañ dazont ar gevredigezh war hir dermen.

Pa weler ar pezh a zo deuet a-benn tud bro Elsass d'ober evit ar c'hoariva e alsasianeg, pe c'hoazh an ti bras savet e Korsika evit ar c'hoariva e korseg, pe c'hoazh e lec'hioù all, e oa anat evit ar perzhidi e vefe ret mont pelloc'h.

Brav e vefe sevel ur greizenn stummañ, krouiñ evit ar c'hoariva hag evit ar c'hleweled hag ar c'hontañ, war bord ar mor, e-kichen ur c'her bras, o tegemer raktresoù nevez, o skignañ abadennoù e-barzh ur sal met ivez er maez, evel e bro Gerne Veur pe c'hoazh e teatr Kerhervy e Lann er stêr.

Lieskementiñ ar stalioù c'hoariva er skolioù, lakaat ar brezhoneg e dilhad Sul war al leurenn, gant a bep seurt skrivagnerien, c'hoariva war ar prim, c'hoariva war ar straedoù, evit c'hoarzhin evit prederiañ, divyezhek, liesyezhek...

Gant ur geidenn oad a 32 vloaz, tud stummet e Ar Vro Bagan, strolladoù a vicher evel Teatr Piba pe La Obra, tud strolladoù a youl vat evel Tro Didro, C'hoari Las pe Fubudenn, e oa peadra da gaout spi er staj-mañ evit ma c'hellfe, en amzer da zont, gant 19 strollad c'hoariva (daou strollad a oa e bloavezhioù 1970...) dre youl ha nerzh an dud gwelout ur raktres brasoc'h o tiwan.

Hag ar skol veur ? Pegoulz e vo, evel e Berlin pe e Paris ul "licence pro" evit arzoù an abadennoù ? Pe c'hoazh ur "Breizh Akademi" evit ar c'hoarierien, aktourien, konterien ? Pe ur stummadur "Acteurs Sud" evel e bro Okitania ?

• Margodennoù : evit ar vugale, emit-hu ? par Kerne Multimédia le 04/11/2017
• C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
• Les Rias 2017, c'est fini ! par Kerne Multimédia le 03/09/2017
• Les tondues : 20 000 femmes silencieuses mises à l'honneur par Kerne Multimédia le 31/08/2017
• Ar c'hoariva : treuzkas an tan ? par Kerne Multimédia le 28/08/2017
• Anna Vreizh adskrivet gant ar grennarded par Kerne Multimédia le 13/06/2017
• La Caminata, pezh c'hoari nevez La Obra : ur c'hoariva politikel ? par Kerne Multimédia le 01/02/2017
• Deizioù : théâtre "La Caminata", par La Obra, à Lorient le 10 février par Emglev Bro An Oriant le 24/01/2017
• Jean Kergrist : auteur, clown, chroniqueur par Kerne Multimédia le 22/10/2016
• Les Rias commencent mercredi à Kemperle ! par Fanny Chauffin le 20/08/2016