80 haiku war an nevez amzer

Bep mintin e vez lakaet un haiku war al lec'hienn "Fea" gant barzhed an Internet

Bep mintin e vez lakaet un haiku war al lec'hienn "Fea" gant barzhed an Internet

Setu un dibab, e touez ar 80 a zo bet kaset dija :

Bisigoù haleg

laziget gant an aezhenn

c'hwek an nevezh-hañv. KG

Div gozhiadez cheuc'h

e-barzh ur c'harr-tan lufret -

bal an nevez hañv. Mai Ewen

C'hwitellat a ra

ar plac'h divergont war hent

al lise daonet. MK

Un ton eus gwechall

ar voualc'h zo deuet en-dro

du e-barzh al liorzh.

Ólöf Pétursdóttir

Kouez o sec'hañ

ur barr-glav o c'hoari

kazhig war gab e revr.

Annaig Kervella

Barrad-glav e kêr

redek da gavout goudor

mousc'hoarzh disammet.

Gwenvred Latimier-Kervella

Kreskennoù tener,

Un delienn linad bennak,

Soubenn nevezhañv.

Iza

E zroad àr ar bal

e labour ma gwaz

al liorzh eo e zomani.

Myriam Guillevic

Douar noazh

dioutañ tiwano

eostoù dic'hortoz

Mabalan

Dindan al loar,

a-dreuz d'al lannoù glas,

ur red avel-vor.

Louan

Evit lenn ar re all, pe evit kemer perzh : https://www.facebook.com/pages/F%C3%A9a/357286834458225