Bep blez e kinnig deoc'h ur bareig ag ar gevredigezh Kerlenn Sten Kidna danvez fonnus ha liessort en he c'helaouenn divyezhek An Dasson (brezhoneg-galleg). Gouestlet eo an niverenn nevez-flamm-mañ d'ar c'han e Bro-Gwened. Kavet a raer enni un hir a atersadenn get Dédé Le Meut, e koun e dad, Jean Le Meut, hag ivez ur pennad-skrid hag a zo danvez ennoñ, diazezet mand eo àr atersadennoù get kanerion anavet en hor bro : Jorj Belz, an Diaoulezed, Gael Lorcy, Yann Raoul, Nolùen er Vuhé. Èl kustum ema bet talvoudekaet ar skridoù get Olivier Berson, duac'h da sevel maketennoù brav d'an niverennoù, an eil àr-lerc'h eben. Evit homañ en deus graet get fotoioù dispar kaset get an arzourion o-unan.

Niverennoù a zo bet graet èl-se àr gumunioù bro an Alre èl Lokmariakaer (niv. 72) ha Pleuwigner nevez zo (niv. 76), àr demoù èl kontadennoù ar vro (niv. 73, ur bladenn geti), an toponimiezh (niv. 74), ar c'hreoleg (niv. 75), pe c'hoazh diàr skridoù aozerion zo èl Patrick Drean (niv. 71) ha David ar Rouz (niv. 77), ha c'hoazh.

Gouestlet e vo an niverenn 79 ag ar gelaouenn d'an tier ekologel e Bro-Gwened ha donet a ray er-maez a-benn an hañv, pechañs.

Dre lec'hienn ar Gerlenn, www.kerlenn-sten-kidna.com, e c'heller koumanantiñ (15 ¤ evit div niverenn kaset dre an ti-post) pe goulenn ma vehe kaset ur skouerenn ag an niverenn-mañ. Gellet a raer kavet ar gelaouenn e sal Kerlenn Sten Kidna ivez (6 ru Joseph Rollo en Alre) hag e stalioù-levroù ar vro : Coop Breizh (An Oriant) ; Lenn ha dilenn (Gwened) ; Breizh ma Bro (An Alre) ; stal-kazetennoù Jéhanno, plasenn ti-gar an Alre.

Niverenn 78 An Dasson : 40 pajenn. 5 ¤ an tamm (7 ¤ dre lizher). Postel : stenkidna2 [at] wanadoo.fr. Pellgomz : 02 97 29 16 58.

• Mona Braz en conférence au Ti ar vro Bro Gwened le 22 mars par Maëlig Tredan le 13/03/2024
• 50 vle o kanal : bourrus e oa deiz-ha-bloaz an Trouzerion ! par Kerne Multimedia le 16/10/2023
• Petra 'zo nevez e brezhoneg evit an distro-skol 2021 ? par BREZHOWEB le 21/09/2021
• Gwened / Vannes : Programme des animations de Novembre 2018 à Ti ar Vro – Bro Gwened par Ti ar Vro Bro Gwened le 26/10/2018
• Mizvezh ar brezhoneg hag ar gallaoueg e Bro Gwened / Le maiz du Galo et du berton dans le payiz d’Vane par Ti ar Vro Bro Gwened le 26/02/2018
• Ti ar vro - Bro Gwened « Le Village des Korrigans de Kulpinaye » du 17/12 au 12/01/18 par Ti ar Vro Bro Gwened le 12/12/2017
• Vannes : Programme des animations de Novembre à Ti ar Vro – Bro Gwened par Ti ar Vro Bro Gwened le 26/10/2017
• Programme des animations de Septembre au TI AR VRO – BRO GWENED par Ti ar Vro Bro Gwened le 30/08/2017
• Fêtes d'Arvor : visite guidée en breton / Gweladenn heñchet e brezhoneg par Emglev Bro Gwened par Ti ar Vro Bro Gwened le 02/08/2017
• Ti ar Vro - Bro Gwened - Vendredi 28 Juillet : Concert « Mousig Bihan » Chansons maritimes du golfe du Morbihan par Ti ar Vro Bro Gwened le 04/07/2017