Put your name here

• Politique
• Economie
  • Agrobusiness
  • Start-up
• Environnement
• Mer
• Bio & Santé
• Culture
  • Musique
  • Littérature
  • Langues
• Histoire de Bretagne
• Patrimoine
• Vidéos

Da-genver obidoù istorian Vreizhad Jean-Christophe Cassard, ( voir notre article ) hag ( voir notre article ), hag a oa bet degouezhet e Lokireg d'an 12 a viz Genver, setu ar prezegenn gant Paolig Combot, prezidant  Ar Falz / Skol Vreizh.

Jean-Christophe, mignon kaezh

Un nebeud gerioù e brezhoneg, peogwir e oas ezel euz Ar Falz / Skol Vreizh abaoe 37 vloaz, eveldon-me, ha peogwir ez out bet, da vuhez-pad, un den kar-e-vro ha kar-e-yezh.

Pemzektez zo hon doa kollet ur mignon all, Albert Boché ( voir notre article ) hag ( voir notre article ) e galleg, ur mailh heb e bar war ar brezhoneg.

Hiriw e kollomp ac'hanout, Jean-Christophe, te hag a zo bet un mailh heb e bar war istor Breizh : daou Vreizhad a ouenn vad o paouez kuitaat ac'hanomp. Pebezh koll evidomp, evid ar Vretoned, evid an denelezh en he fezh !

Evel klasker ha kelenner, 't eus labouret a-hed da vuhez war istor ar Grenn Amzer, heni hon bro, med ivez heni bro-C'hall : gouestlet e oa da levr diwezhañ da istor ar rouanez kapesian (1) ; anavezet e oa da varregezh gant an oll : studierien, kelennerien, lennerien.

Evel stourmer, 't eus klasket lakaat da dremenn ha da anavezout un tamm euz 'pezh a ouiez war-du ar Vretoned hag ar re a gar hon bro, un deg bennag a levrioù embannet gant Skol Vreizh pe e lec'h all, heb kontañ ar pennadoù 't eus savet a vil-vern, embannet amañ hag a-hont (un 60 bennag evid Geriadur istor Breizh (2) paneve ken).

Evel den, ez eo bet plijus-kenañ labourat ganit, ken digor ha ken speredeg e oas, med ivez ken resis ha ken lemm da spered.

Trugarez vraz dit, Jean-Christophe, evid toud ar pezh 't eus degaset d'ar Vretoned ha d'ar re all.

Kenavo eta d'ar bed all, ma 'z eus unan.

Ra vo skañv dit douar Breizh !

Paolig Combot, prezidant Ar Falz / Skol Vreizh

E galleg e gomzas da c'houde Jean-René Le Quéau, rener embannadurioù Skol Vreizh ( voir notre article )

(1) Istor ar rouanez kapesian : embannadurioù Belin e galleg. Da welout er roll al levrioù ha pennadoù (levrlennadur) skrivet gant J.-C. Cassard. Roll da zont...

(2) Geriadur istor Breizh : Dictionnaire d’histoire de Bretagne e galleg : http://www.skolvreizh.com/catalog?page=shop.product_details&flypage=flypage_images.tpl&product_id=171&category_id=5 : pajenn al levr war lec’hienn Skol Vreizh.

• Disparition de l'historien et militant breton Alan Viaouet par Institut de Documentation Bretonne et Européenne (IDBE) le 02/11/2024
• Disparition de Dodik Jégou par La rédaction le 05/04/2024
• Disparition du Catalan Aureli Argemi : Une vie de combat pour les droits des Peuples, des langues et cultures minoritaires par La rédaction le 05/04/2024
• Disparition de Katell ar Skañv - Glenmor par La rédaction le 31/03/2024
• Disparition du nationaliste breton Per Lemoine par Philippe Argouarch le 19/10/2023
• Disparition du militant indépendantiste Marcel Texier par La rédaction le 01/08/2023
• Disparition du militant breton Michel François par La rédaction le 07/01/2023
• Disparition de Jean-Paul Corbineau : Les Tri Yann dévastés et le public choqué par Philippe Argouarch le 16/12/2022

ABP

Agir

Nous suivre

Newsletters

Flux RSS - français

Flux RSS - breton

ABP sur Facebook

ABP sur X

Chaîne Youtube ABP

Le blog du site web