Put your name here

Brav an amzer war maezioù Kernitron al Lann, hag e pep lec'h, babigoù, tud kozh ha yaouank ar memes pal ganto holl : diskouez nerzh ur bobl diwar ar youl da cheñch penn d'ar vazh

Koustet en deus ker feurmiñ ur viñsaskell evit dont da boltrediñ ar chadennad tud : nav vil euro memestra... Met penaos lakaat an traoù da fiñval ma ne vefe ket lakaet ar mediaoù ba'n taol ? Deuet int teir gwech da welout an dud o vanifestiñ, tri strollad kazetennerien disheñvel a bep eil. Brezel gant ar mediaoù, stourm nann-feuls, sonerezh, avaloù-douar ramzel staliet er c'hroaz-hent, bez' 'oa peadra da vezañ laouen.

Gant ma vo ar stourm-se efedus evit lakaat doareoù an dud da cheñch tamm-ha-tamm. Lakaat ar ZAD da badout gant ar pezh eo deuet da vezañ : arouez ur vuhez disheñvel, keodedourien o tapet krog en o dazont, hep leuskel anezhañ etre daouarn tud all a zibabfe evito hag en o flas. An dud-se hag a lak ar bed en arvar bemdez gant an OGM, an nukleel, ar saotradur kimiek, ha kement tra a lak buhez ar vugale hag ar boudoù bev da vont war verraat, muioc'h-mui...