ABP

- Agenda -

Kurunennoù ar rouanez, ur pezh-c'hoari nevez evit ar vugale

C'hoariet e vo trede abadenn Fubudenn, gant strollad bro Kemperle disadorn e Gouel al levrioù e Karaez

Par Fanny Chauffin pour ABP le 28/10/11 1:15

Goude bezañ bet c'hoariet "Danjerus, tamm ebet ! " c'hwec'h gwech, hag an "opera cochonnier" c'hwec'h gwech ivez e 2010/2011, setu strollad Fubudenn (komprenit "fubu" e brezhoneg bro Gwidel) ; setu ar strollad merc'hed o kinnig ur pezh-c'hoari evit ar vugale skrivet gant ur strollad eus Brussel, "Theatre du Copeau" e anv.

Ur gontadenn a vez kavet ivez e Konk-Kerne (kontet gant Jos Goapper) eo diazez an istor. Ur vamm, Maminko, ur mab disampart ha sot un tamm, ur rouanez didruez, ha setu an arvesterien o selaou sonerezh Polonia ha Roumania war un dro. "Djindobre" a vez lavaret ingal, o veskañ pozioù brezhoneg gant yezhoù Europa ar Reter.

C'hoariet e vo evit ar wech kentañ d'ar Sadorn 29 a viz Here, da 3 eur e korn ar vugale e-pad Gouel al levrioù e Karaez, a-raok kinnig an abadenn da skolidi skolioù divyezhek bro Kemperle e miz Genver e-pad festival Taol Kurun.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 0 commentaires

Commenter :

Put your name here

ABP

Nous suivre