ABP

- Présentation de livre -

Dastumad danevelloù ar c'hantved !

Un hir a labour kaset gant An Alarc'h, Féa, ha Mich Beyer. Setu danevelloù deuet da vezañ klasel evit lod anezho.

Par Fanny Chauffin pour ABP le 23/10/11 14:21

Setu bodet evit ar wech kentañ en un dastumad 16 danevell, klasel evit lod ha nevesoc'h evit lod all, Gant al levr-mañ e c'hello al lennerien ober un tañva eus meur a skrivagner, eus Jakez Riou da David ar Gall. Moarvat, ouzhpenn plijout d'ar re a gar al lennegezh en he stummoù berr, e vo talvoudus ivez d'ar gelennerien skolajoù, liseoù, kentelioù-noz pe skolioù-meur.

Lavaret e vez e vefe 200 daneveller(ez) e Breizh. Gwir eo n'eo ket diaes da Ya! kavout ur skrivagner pep sizhun, danevellerien a-feson zo e Breizh, brezhonegerien dreist-holl.

Abalamour da betra ? Skrivañ buan, peogwir n'eus ket amzer d'ar paourkaezh Yann pe Marjan brezhoneger(ez) skrivañ un oberenn veur ? Pe peogwir eo an danevell un arzh a-vremañ, lennet en un ti-gar, war un urzhiataer, buan, hag a glot gant spered ar yezh evel e Breizh-Veur ?

Sevenet e oa bet al labour kentañ gant ar gevredigezh féa hag a ra war-dro Priz ar Yaouankiz ha Priz ar Vugale, ha sikouret e oa bet gant ar Rannvro, evit stummañ skrivagnerien dre aozañ stalioù skritur. Ur benveg a feson e vo !

Pelloc'h e oa bet féa gant he raktres : evit ma c'hellfe an nannbrezhonegerien kaout ivez un tañva eus lennegezh ar vro e oa bet divizet kinnig un embannadur e galleg. Labouret o doa tud Féa gant Mich Beyer, troourez an holl zanevelloù. Graet eo bet al labour embann en div yezh gant An Alarc'h.

"Karavell" a vo e Gouel al levrioù e Karaez. Ha neuze, n'eo ket ul levr met daou a vo neuze kinniget d'an dud !

Evel Atxaga e Bro Euskadi, Biancarelli e Bro Gorsika, setu evit ar wech kentañ danevelloù hor bro prest evit bezañ dizoloet gant an holl, brezhonegerien pe nannbrezhonegerien)

Danevelloù ha skrivagnerien :

- Prometheus ereet, Jakez Riou

- An amprevan ne c'halled ket lazhañ, Roparz Hemon

- Noblañs, Jakez Konan

- Da rouz an noz, Per Denez

- Re ziwezhat, Goulc'han Kervella

- Lagad an targarzh, Yann Gervern

- Lastez, Jef Fulup

- Kuzh-heol e Santez Anna, Herve Bihan

- Lionel Keraotret, Daniel an Doujet

- Div zelwenn, Alan Botrel

- Game over, David ar Gall

- Unan bennak evit Suzan, Maguy Kerizit

- Tsunami, Annaig Renault

- Enklask, Yann-Fulub Dupuy

- El loar c'hlas gant Falc'hun Melen, Lan Tangi

- Nozvezh wenn, Mai Ewen

Voir aussi sur le même sujet : lennegezh, brezhoneg,breton,livre

Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
Gwernioù kuzhet, ul levr brav da brofañ ! par Kerne Multimedia le 30/10/2022
Penn da benn : deuit niverus da skoazell ar stal ! par Kerne Multimedia le 04/09/2022
10 levr enrollet gant Keit Vimp Bev ha fea par Tvbro kemperle le 16/02/2022
Me garfe mont : un doare dic'hortoz da selaou Grall par Kerne Multimédia le 30/12/2021
Villon et Grall expliqués aux lycéens par Kerne Multimédia le 28/11/2021
War bord an oabl : un abadenn e Kemperle leun a varzhoniezh par Kerne Multimédia le 20/11/2021
Grall : les hommages et les débats commencent en Pays de d'Aven par Kerne Multimédia le 14/11/2021
Pevar levrig nevez evit ar moused par Kerne Multimédia le 03/10/2021

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre