ABP

- Flash Info -

Aet eo Per Denez d'an Anaon

Aet eo Per Denez d'an Anaon en noz-mañ da 2e15.

Par Fanny Chauffin pour ABP le 30/07/11 10:25

Dimerc'her a zeu da 2 eur e vo lidet obidoù Per Denez en Iliz Itron Varia an Thabor e Roazhon.

Ganet e 1921, studiañ a reas e skolaj Sant Marzhin e Roazhon. Desavet gant e vamm, ur gemenerez, deskiñ a reas brezhoneg da 13 vloaz, ha diwezhatoc'h pa voe gant studierien stourmerien e-pad an Eil Brezel-bed. Chom a reas e darempred gant Roparz Hemon goude ar brezel, p'edo Roparz en Iwerzhon.

E 1945, adkregiñ a reas gant e studioù goude ur c'hleñved grevus, prientiñ a reas un aotregezh. En Aberdeen (Bro-Skos) e chomas e-pad bloaz. Kelenn a reas saozneg e Kemper, ha da c'houde, kredapl abalamour d'e stourm evit Breizh, e voe kaset da B/Périgueux. Mont a reas da labourat da Zouarnenez ha dimeziñ a reas gant e wreg, brezhonegerez anezhi, a sikouras anezhañ evit an enklaskoù kaset gantañ.

Tremen a ra un dezenn diwar-benn brezhoneg Douarnenez. Dont a reas da vezañ kelenner skol-veur e Skol-veur Roazhon 2, ma chomas 21 bloaz. E 1981 e voe krouet an aotregezh vrezhoneg, a-drugarez dezhañ ha d'ar prezidant nevez, François Mitterrand.

Skrivet gantañ "Brezhoneg buan hag aes", un hentenn fentus gant tresadennoù Nono, met hentennoù all ivez evit sikour an deskidi. Skrivet ez eus bet gantañ romantoù ha danevelloù, leun a fent ha kevrinus war-un-dro.

Glas evel daoulagad c'hlas na oant ket ma re, Al Liamm 1979 ;

Hiroc'h eo an amzer eget ar vuhez, Mouladurioù Hor Yezh (MHY), 1981 ;

Evit an eil gwech, MHY, 1982 ;

Eus un amzer 'zo bet, MHY, 1992 ;

En tu all d'an douar ha d'an neñv, MHY, 1993 ;

Da Rouz An Noz, MHY, 1996.

Voir aussi :

Ur vuhez gouestlet d'ar stourm sevenadurel evit yezhoù ar bed : Per Denez par Kerne Multimédia le 29/07/2021
La prophétie de Gwenc'hlan par marc Patay Lejean le 17/01/2019
Mort de François Le Mouël, le tombeur de la French-connection par marc Patay Lejean le 07/10/2015
Herri Ar Borgn est décédé par Sten Kidna An-Alre le 30/09/2015
Décès de Loeiz Laurent par La Rédaction le 11/08/2015
A Huge Loss for Brittany ? RIP Jean-Yves Cozan par Celtic League le 19/06/2015
Hommage de Bretagne Réunie 29 à Jean-Yves Cozan par Comité Bretagne Réunie Quimper-Cornouaille le 18/06/2015
Hommage à Jean-Yves Cozan par Alliance Fédéraliste Bretonne - Emglev Kevredel Breizh le 17/06/2015

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 0 commentaires

Commenter :

Put your name here

ABP

Agir

Nous suivre