Da-geñver an emvod kelaouiñ a zo bet dalc'het e Roazhon d'ar 5 a viz Here e oa bet studiet disoc'hoù ar c'houlzad Ya d'ar brezhoneg er bed prevez hag eo bet roet lañs d'al « labelaat » evit aozadurioù ar gennad prevez.
An Emglev « Ya d'ar brezhoneg » , kroget e 2001 gant 178 siner, a vod e 2007, goude 6 vloaz eta, 600 siner deuet eus holl dachennoù ar gennad prevez. Diwar ar 600 siner-se, ouzhpenn an hanter anezho zo embregerezhioù, ar peurrest a zo micherioù frank, kevredigezhioù, kevredadoù pe sindikadoù.
Goude 6 vloaz neuze en deus soñjet an Ofis e oa ret gouzout hiroc'h diwar-benn oberoù ar sinerien. Gwelet o deus tud an Ofis e-kerzh an 300 emgav o deus bet gant ar sinerien e oa bet kaset da benn ouzhpenn 1100 ober ganto. Gant ouzhpenn 237 framm ez eus bet krouet ul logo pe un anv divyezhek, gant ouzhpenn 150 anezho ez eus bet staliet panelloù divyezhek, 120 aozadur o deus savet skritelloù pe blegfollennoù brudañ divyezhek, 71 framm a zo gouest da labourat dre skrid e brezhoneg, 60 framm a c'hell degemer an dud e brezhoneg hag ouzhpenn 50 framm a labour e brezhoneg bemdez.
Abalamour d'an disoc'h-se en deus divizet an Ofis lakaat war wel oberoù an dud ha dre-se reiñ palioù dedennus d'ar sinerien nevez.
Krouet ez eus bet neuze « Labelioù Ya d'ar brezhoneg » a vo 3 anezho. Al Label 1 « Souten ar brezhoneg » a vo roet d'ar frammoù a implij ar brezhoneg evit kehentiñ dre vras (5 ober da zibab ha da gas da benn, diwar ul listennad 20 ober). Al Label 2 « e brezhoneg, mar plij » a vo roet d'ar frammoù a ginnig servijoù e brezhoneg (Bev eo ar brezhoneg er frammoù-se, klevet e vez enno hag alies ez eus bet kinniget stummadurioù war ar brezhoneg) Al Label 3 « Labourat e brezhoneg » a vo roet d'ar frammoù m'eo ar brezhoneg yezh labour pemdeziek an implijidi en diabarzh hag en diavaez. Pal an Ofis eo reiñ labeloù da 30 aozadur a-raok dibenn ar bloaz-mañ.
- Emmanuel Grégoire et l’abbé Macron par David Grosclaude le 23/11/2024
- Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
- Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
- Gouvernement Barnier : des nominations inquiétantes par RPS le 24/09/2024
- Quelle future gouvernance en France ? par Marcel Berrou le 08/07/2024
- Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
- Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
- TER Nouvelle Aquitaine : quelle honte ! par David Grosclaude le 18/04/2024
- Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
- Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024