Vidéos
-- Langues de Bretagne --
Publié le 20/02/21 18:50 -- mis à jour le 20/02/21 18:50
Aozet e berr amzer gant ur skipailh efedus, deuet e oa brav ar vanifestadeg evit mont a-enep dibab ar rektordi berraat niver a eurvezhioù brezhoneg er c'hentañ hag en eil derez
"Diwan, Diwan, Diwan !", kantadoù a dud yaouank war blasenn ar frankiz o tont eus ar Releg, eus al Lise, eus Skolaj Diwan Kemper, Plijidi, Gwiseni... Youankizoù e leizh, hag e penn ar mikro daou gelenner yaouank bet e Diwan, o lenn barzhoneg Yann Fañch Kemener. Lazhet, ar brezhoneg ? N'eo ket sur. Keit ma vo ar Vretoned kad da stourm asambles en un doare efedus e vo dav da Vlanker hag e skipailh kompren n'eo ket posubl da genderc'hel gant ur bolitikerezh a lak da vervel an holl yezhoù a zo war douaroù bro C'hall, ma vefe ar brezhoneg, ar gallaoueg, an euskareg, an okitaneg...
Gant ma vo adkavet spered stourm unvan er vro, evit ma vefe c'hoazh bugale Diwan o komz yezh ar vro, tud yaouank o tesevel bugale hag o kelenn e brezhoneg.
Seurt abadenn e kreiz enkadenn ar c'horonavirus a ra vat d'an holl, ha laouen e oa an holl vanifesterien da welout pegen efedus e c'hell bout an energiezh a-stroll. N'eo ket echu...
Trugarez da sinañ ar petision en linenn :
https://www.change.org/p/jean-michel-blanquer-maintient-des-3h-d-enseignement-du-breton-par-classe-et-par-semaine-dans-le-secondaire
- An druizh a zo aet da Baradoz ar Gelted par Kerne Multimédia le 28/01/2022
- 2000 a dud ba Gwened evit ar 27vet manifestadeg evit ar frankiz ha gwirioù mabden par Kerne Multimédia le 08/01/2022
- Marché de Noël des Créateurs Diwan Lannion par le 28/11/2021
- Zavier Grall : ur barzh bev atav par Kerne Multimédia le 14/11/2021
- Nono, toujours au front : le dessin de presse est-il une affaire de vieux ? par Kerne Multimédia le 01/11/2021
- Berzh gant ar skolioù Diwan hiziv b'an Oriant, Kemper,Sant Brieg, Naoned par Kerne Multimédia le 16/10/2021
- Galv an UDB ; an holl ba Karaez dimerc'her ! par Kerne Multimédia le 22/09/2021
- Inauguration du deuxième lycée Diwan de Bretagne, à Vannes par BREZHOWEB le 21/09/2021
Mat e vefe a dra sur! Neuze! Deoc'h c'hwi da vont a-enep tud Breizh ken kousket mik ma 'z int... mut an trede rummad bet tapet kaer en argerzh diskar ar yezh; da lâret eo ar vugale n'int ket bet desavet e brezhoneg evit ar wech kentañ abaoe ganedigezh ar yezh moarvat! Ganto emañ ul lodenn vat eus kudenn ar brezhoneg...
"Trugarez da sinañ ar petision en linenn"... Nann! Ne rin ket... Unan e paperennoù ne laran ket... Ho fal deoc'h eo mont da welout an dud ha klask kendrec'hiñ anezho da vont d'ho heul. Kalz efedusoc'h e vefe ha kalz pinvidikoc'h evit ar stourmerien... Strivoù divent? Ya! Met graet brav n'eus ket pell zo gant Breizh Unvan... A hend-all ho peus merzhet sur a-walc'h emañ ar gouarnamant o redek buanoc'h buanañ a-benn skarzhañ da vat pezh a zirenk ar republik. Splan eo gant an afer" minority safe pack"; diviz ar gomiserien en do trec'het kaer war an demokratelezh Europa...Levezon Bro C'Hall gant ec'h amparadur ( e-penn an traoù e-touez ar gomiserien me gav din) o c'hounit tachenn atav bete-gouzout ma vefe cheñchet penn d'ar vazh gant an dud! Neuze ez eo gwelloc'h bezañ e penn ar redadeg eget ersaviñ hepken pa z eus un taol fall nevez a-enep ar brezhoneg. E-unan penn emañ Blanquer o redek. Ur redadenn eo evit poent...
"evit ma vefe c'hoazh bugale Diwan o komz yezh ar vro," Deoc'h c'hwi da soñjal ivez : estreget bugale Diwan ez eus bugale-all o teskiñ brezhoneg...An tri "Di" o stourm asambles da skouer a vefe kalz kreñvoc'h; Bon! An daou "Di" betek ma vefe adkavet un anv nevez da zDihun...
Votadegoù rannvroel ' vo a-benn nebeut. Un digarez mat an hini eo da lakaat ar gwask war chouk an dilennidi.