« Bag an Ankou » Tan ha Kurun gant Strollad ar Vro Bagan e Kerlouan, 5

- Dépêche -

« Bag an Ankou » Tan ha Kurun gant Strollad ar Vro Bagan e Kerlouan, 5 - 8 a viz Eost

Savet eo bet ar pezh c'hoari «Bag an Ankou» diwar romant brudet Per Mac Orlan «Les Clients du bon chien jaune». Klevout ar vorlaeron o komz brezhoneg war an aod, an tevenn, reier ha mor ar Vro Bagan a vezo sebezus moarvat. Un dro vat eo sur gellout sevel seurt abadennoù bras e brezhoneg penn-da-benn.

Lou Millour Par Strollad Ar Vro Bagan le 7/07/10 1:29

Savet eo bet ar pezh c'hoari « Bag an Ankou » diwar romant brudet Per Mac Orlan « Les Clients du Bon Chien jaune ». E-pad daou vloaz eo bet disklêriet ar pezh e galleg-brezhoneg, e añv o vezañ « Les Pirates du Chien Jaune », e Meneham, Kerlouan, e Kastell Perzell e Plougonvelen hag er Vadalenn e Brest.

Er bloaz-mañ evit ar bloavezh diwezhañ e vezo displeget ar pezh e Kerlouan adarre, etre ar 5 hag an 8 a viz Eost. D'ar 6, 7, 8 e vezo er stumm galleg-brezhoneg ha d'ar Yaou 5 a viz Eost e vezo e brezhoneg penn-da-benn.

Klevout ar vorlaeron o komz brezhoneg war an aod, an tevenn, reier ha mor ar Vro Bagan a vezo sebezus moarvat. Un dro vat eo sur gellout sevel seurt abadennoù bras e brezhoneg penn-da-benn.

An istor

Loeiz Benig, pevarzek vloaz, n'en deus na tad na mamm. Dont a ra da labourat e ti e donton Nikolaz Benig en ostaleri Ar C'Hi Melen e Keravel Brest. Mont a raio Loeiz da heul al laeron-vor, Bara-Du ha Maze Miles, e bourzh Bag an Ankou...

Daou romant en deus skrivet Pierre Mac Orlan diwar benn Brest er XVIIIvet kantved, gant ar galeoù, karter paour Keravel, ar c'hastell, al listri brezel, ke kenwerzh...

Kerlouan 5, 6, 7 ha 8 a viz Eost

Meneham

9 e 30 noz

E galleg-brezhoneg

Nemet ar 5, pa 'vo ar pezh e brezhoneg penn da benn.

Ul levr, daou bladenn

Embannet e vo a-benn neuze al levr « Bag an Ankou » gant Ti Embann ar Skolioù (T.E.S. Sant Brieg) gant poltriji kaer Mark Letissier tennet e-pad an abadennoù e Kerlouan, Brest ha Plougonvelen ha 2 bladenn gant mouezhioù ar c'hoarierien ha sonerezh ar pezh-c'hoari.

Strollad Ar Vro Bagan

Savet e oa bet Strollad c'hoariva Ar Vro Bagan e 1973 en ur gevredigezh (1901) oa bet krouet e 1965 evit kas yezh ha sevenadur Breizh war-raok. Tud a-vicher zo enni, gopret da vat pe krog-diskrog, hag un toullad c'hoarierien a-youl-vat.

Titouroù :

arvrobagan [at] wanadoo.fr

Pierre Le Hir : 02 98 83 31 01

Malou Floc'h : 02 98 83 12 40

(voir le site)

Voir aussi :

Le théâtre en breton en deuil : Celine Soun décédée lundi matin par Kerne Multimédia le 09/10/2017
Théâtre en breton / C'hoariva e brezhoneg par association Emglev Bro an Oriant le 10/02/2016
Ar Gêr Vras, du théâtre en breton pour petits et grands à Plumergat par Ti Douar Alre le 12/10/2015
L'Agence Culturelle Bretonne présente à Nantes "Bleunioù gouez", théâtre en breton, français et espagnol, le 2 octobre par Maryvonne Cadiou le 29/09/2014
Film et théâtre en breton par Taol Kurun le 22/01/2014
Le théâtre en breton : un débat très riche à Carhaix par Taol Kurun le 24/11/2013
Stage de théâtre en breton : Jouer Juste par C'Hoariva le 02/09/2013
Stage de théâtre en breton et de chants à Plouha par KALON PLOUHA le 01/05/2013
Stage de théâtre en breton - Techniques du théâtre d'improvisation par C'Hoariva le 03/04/2013
2012 : 8700 enfants vont au théâtre en breton par Festival Taol Kurun le 25/03/2013

Gwelout pennadoù all Strollad Ar Vro Bagan

Vos 0 commentaires :

Commenter :

Put your name here

ABP

Embann

Nous suivre