Azurfein qe de dirr la bônn anaèy èz acoussae qhi n'vioell poént oui mançion d'ël erjoueintaij de la Bertaèyn, la consorteriy 44=BZH ést beneizz de bani q'ést yèll q'ol n'n-ést pôr avaïr sougernae lez paniaù d'erivriy a 44 parouèç su la Leirr-de-Bertaèyn. Anoet, samadi 22 dou mei de jaùnviae, maen, lez paniaù-là feütt erbalhae NIFF (né bissoulhae né degramatissae) su Saent-Yo (Paeiz dou Vinyamant de Bertaèyn). De mem, j'on devoçion a huchae su ël separt antt la Leirr-de-Bertaèyn e l'aùtt cartèll a la Bertaèyn e su comant qe le conselh jeneraù 44 menn son tripo o le coupp de laùng bertonn iloe. A-don, n-i a o qai yett vra flé dssu li cant q'c'ést qe n'an véï qe le conselh rejionaù a la Bertaèyn tronçaèy (ett-làtt o lez 4 departamants) met ël Galo e ël Berton erconaeü e bani dez avanjaèys consecaùntt pôr yèll-çi e q'a tant-là, ël conselh jeneraù 44, samti, ést corr a bouae d'la goull e chôm harae côm diabb a la menn èz falhit paeiz-de-la-leirr: qe srae coti bén coti la filomiy bertonn a la Leirr-de-Bertaèyn. Je vlon a pllein touae a qe dez paniaù an Galo e an Berton sraen amarae an adorçion tout de fein sioett dan toutt lez parouéç su la Leirr-de-Bertaèyn e je huchon corr pu forr pôr qe la Bertaèyn srae erjoueintaèy edssu o lez coutiaù !