120 skolajiad evit devezh ar c'hoariva : ar brezhoneg war al leurenn

- Dépêche -

Aozet oa bet gant ar gevredigezh C'hoariva un devezh emgavioù strolladoù o kinnig pep a bezh-c'hoari 15 munutenn-pad anezho. Kontadennoù hengounel, pezhioù a vremañ... Splann eo ar c'hoariva ur benveg dispar evit krouiñ e brezhoneg gant ar re youank.

Fanny Chauffin pour ABP le 10/06/11 9:35

Skolajoù o tont eus Ar Releg, Lannuon, Lanniliz, Gwitalmeze, Gwiseni, Kemper, Diwan, Divyezh ha Dihun : diskouezet o deus dec'h o youl hag o c'hoant da lakaat ar brezhoneg war al leurenn.

Kinnniget e oa bet gant Kristof Nikolas, skolaj Lesneven, "www.urwecheoa.bzh". Kalz plijadur ' oa er sal ha gant ar gomedianed. Galvet e oa skrivagnerien Perrault, Grimm, Walt Disney gant tudennoù ar pezh-c'hoari, ha savet e oa klemm gant an Ankou, perak n'en deus ket lakaet anezhañ da gemer perzh e tresadennoù bev ?

"An tri skourr impinad", kontadenn Fañch an Uhel, a zo bet leurenniet gant daou skolaj : hini Lannuon hag hini Lanniliz. Doareoù disheñvel da leurenniañ, da echuiñ an istor.

Disoc'h ul labour gant Kristian Duro ha Jean Floc'h (treizerien soñjoù) e oa kinniget gant 47 skolajiad eus Kemper : "Chevailher" gant kanaouennoù, dañsoù, sonerezh (akordeons, tamboulinoù ha violoñs sonet gant ar skolajidi ha Jean Floc'h).

Anatole le Bras ha Per Jakez Helias a zo bet c'hoariet o fezhioù gant skolidi Lannuon ha Gwitalmeze.

Testennoù a vremañ a oa kinniget gant skolajidi ar Releg ("Mirdi", "ar c'harrig meur"), re Wiseni ("Rififi ti Destrusi") leurenniet gant Erwan Kloareg ha Jakez ar Born.

Hag evit echuiñ an devezh, klozadur Bob Simon, prezidant kevredigezh C'hoariva.

Voir aussi :

Kejadenn Gentañ ar C'hoarivaoù e Yezhoù Bro Frañs par C'Hoariva le 04/07/2019
C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
La Caminata, pezh c'hoari nevez La Obra : ur c'hoariva politikel ? par Kerne Multimédia le 01/02/2017
Deizioù : C’hoariva e brezhoneg : La Caminata, gant La Obra par Emglev Bro An Oriant le 25/01/2017
C'hoariva evit ar re vras hag ar re vihan : Luduennig par Kerne Multimédia le 01/11/2016
C'hoariva gant la Obra : krouiñ etre Guatemala ha Breizh par Kerne Multimédia le 31/10/2016
Gwreg an toer, gant Tangi Malmanche par FC le 28/02/2016
L'Instant Molière : trempés, fatigués, heureux ! par FC le 21/07/2015
Katell Igruz, c'hwec'hvet pezh c'hoari strollad C'hoarivari par FC le 06/03/2015
Théâtre / C'hoariva par le 22/12/2014

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires

Commenter :

Put your name here

Aozet oa bet gant ar gevredigezh C'hoariva un devezh emgavioù strolladoù o kinnig pep a bezh-c'hoari 15 munutenn-pad anezho. Kontadennoù hengounel, pezhioù a vremañ... Splann eo ar c'hoariva ur benveg dispar evit krouiñ e brezhoneg gant ar re youank.

ABP

Embann

Nous suivre