Put your name here

Ar gevredigezh Santez Anna Gwened a ginnigo ur lid hag ur sonadeg a-benn ar Meurzh 11 a viz Kala-Goañv 2008, da 3 eur d'enderv, e penniliz Santez-Anna-Gwened.

Da-geñver an 11 a viz Kala-Goañv e faot da Santez Anna Gwened lidiñ ar Peoc'h ha tolpiñ an dud evit derc'hel soñj ha koun ag ar lazhadeg vras a oa bet er brezel bed 1añ hag ar mell cheñchamant a oa daet d'e heul evit tonkadur, sevenadur ha yezh Pobl Breizh.

Lerc'h-ouzh-lerc'h e vo Jorj Belz ha Jean-Paul Rieux é lenn testennoù skrivet e brezhoneg get Loeiz Herrieu, Yann-Ber Kalloc'h hag Emile Masson, ha 5 laz-kanal (170 a dud) – Bouezh Santez Anna, Bubri-Melrant, Kalonoù Derv, Kanerion ar Skorv ha Bouezh er Mor – é kanal ur pemzek sonenn vrezhonek bennak a denn da istoer ar Vretoned e-pad ar brezel bed 1añ ; evit ambroug ar ganerion hag ar brezegourion e vo ivez ar sonerion André Le Meut ha Dominique Le Blay .

Mod-arall e vo meur a sonenn da lakaat an dud er sal da ganal asambl get ar lazioù-kanal, ken evit ober bourrapl d'an holl, ken evit roiñ da anavet ar sonennoù-se.

Digoust e vo mont a-barzh, met goulenn a reomp get an dud en em gavout da 3 eur d'enderv, dre ma n'eus ket kalz a blas en iliz. Krogiñ a ray an abadenn get ur prantad e koun ar re varv dirak ar C'hounlec'h e-tal ar penniliz.

Evit gouiet hiroc'h : 02 97 36 66 81 ha santez-anna-gwened [at] aliceadsl.fr

(voir le site)

ABP

• Diwar-benn
• Darempred
• Menegoù hervez lezenn
• Données personnelles
• Mise en page
• Ligne éditoriale
• Sur wikipédia

Embann

• Demander une accréditation
• Contacter la rédaction
• Poster votre communiqué vous même
• Écrire une dépêche
• Envoyer un flash info

Nous suivre

• Newsletters
• Flux RSS - français
• Flux RSS - breton
• ABP sur Facebook
• ABP surTwitter
• Chaîne Youtube ABP
• ABP sur Google