“An Diaoul a Gan” etre an 21 hag ar 24 a viz Mae

- Communiqué de presse -

“An Diaoul a Gan” etre an 21 hag ar 24 a viz Mae. Pedervet fest ar glad hag ar c'hrouiñ dre gomz er Yeuc'h. Gant ar pal lakaat ar c'han e kreiz ar jeu e kendalc'h skipailh Dastum Kerne da fardañ ur roll saourus evit an holl dud dedennet gant an hengoun dre gomz. Bro Dreger an hini eo a vo pedet gant diaouled ar Yeuc'h ar wech-mañ hag a bep seurt a vo, me lâr deoc'h.

David Ansquer Par Ti ar Vro Kemper le 21/05/10 15:13

“An Diaoul a Gan” etre an 21 hag ar 24 a viz Mae, pedervet fest ar glad hag ar c'hrouiñ dre gomz er Yeuc'h

Gant ar pal lakaat ar c'han e kreiz ar jeu e kendalc'h skipailh Dastum Kerne da fardañ ur roll saourus evit an holl dud dedennet gant an hengoun dre gomz. Bro Dreger an hini eo a vo pedet gant diaouled ar Yeuc'h ar wech-mañ hag a bep seurt a vo, me lâr deoc'h.

Pevar devezh e pado gouel “An Diaoul a Gan” ar bloaz-mañ hag arzourien ha temoù liesseurt a vo kinniget d'an arvesterien. “Skeudenn vuhezekañ ar bloaz evit hor c'hevredigezh an hini eo a glaskomp diskouez d'ar muiañ a dud” eme Bêr-Iff Pétillon, teñzorer nevez Dastum Bro Gerne. Astennet eo bet ar roll c'hoazh ar bloaz-mañ ha kregiñ a raio an traoù d'ar Gwener 21 gant ur veilhadeg digoust ha kenaozet gant Emglev Bro Douarnenez, e “Tavarn ar Sportoù”, anvet “Etre Douar ha Mor” hag a roio plas da gonterien ha kanerien eus Douarnenez, eus ar Vro C'hlazig, ar Vro Vigoudenn hag eus Bro Gernevodez.

Disadorn e vo aozet ur brezegenn a zo he dodenn “ur c'hantved a enrolladennoù kanerien ha sonerien hengounel e Bro-C'hall” diouzhtu goude merenn. Gant ur paotr eus Bro Savoie, Guillaume Veillet e anv ha bet tapet gantañ ar priz “Charles Cros 2010”, e vo displeget e zoareoù da labourat ha da ginnig d'an holl an danvez kanet ha sonet bet dastumet er rannvroioù.

Goude-se e vo tu kanañ en ur zañsal war pozioù Kerne, Treger ha pelloc'h c'hoazh e sal sokio-sevenadurel ar Yeuc'h a-drugarez da veur a ganer ha d'ur c'henlabour gant War'l Leur Penn Ar Bed.

Da 8 eur 30 e vo poent lañsañ ar fest-noz vras a lako an dañserien da strakal o zreid war mouezhioù nerzhus daouadoù a bep seurt : Quéré / Le Menn ; Ifig ha Nanda Troadeg ; Le Roux / David ; Castel / Gorju ; Servain / Colleu ; Huellou / Caradec ; Pétillon / Riou ; Boderiou / Salaun ; Kloareg / Pensec ; Nicole Pochic.

Adalek 10 eur e vo ret bezañ diblouzet mat disul vintin evit kemer penn an hent en ur ganañ dre wenodennoù kumun an diaoul. Ar valeadenn a echuo gant ur banne digor-kalon profet d'an holl gant an ti-kêr hag ar gevredigezh “Istor ha Glad ar Yeuc'h”.

Goude-se e vo krampouezh lipous da brenañ ha da dañva en ur selaou kanerien all. Iliz ar barrez a roio bod d'ur sonadeg da 3 eur gant daou ganer brudet-tre eus a Vro Dreger, Ifig Castel hag Ifig Troadeg, hag ouzhpenn-se e vo kanaouennoù mor e galleg kanet gant Pascal Servain, paotr eus Normandi. Koust a raio 10 euro an abadenn-mañ.

Diouzhtu goude e c'hello an neb a gar kanañ ha kontañ istorioù diouzh e blijadur ha diouzh e c'hoant e “Tavarn ar Sportoù” evit ar veilhadeg digor. Digor e vo ivez leurenn ar fest-deiz adalek 6 eur 30 ha ret eo en emskrivañ en a-raok gant Dastum Bro Gerne.

Hag ur staj evit pleustriñ :

Evit klozañ an dibenn-sizhun e c'heller kemer perzh er staj a vo renet gant an dastumer-kaner Ifig Troadeg evit pezh a sell ouzh Bro Dreger, gant ar c'haner ha dañser Gilles Le Goff evit tachenn Bro Hañveg ha gant Yann Guillamot, dastumer ha konter eus ar Vro Vigoudenn. Koust a ra 25 euro an devezh a-bezh, adalek 10 eur ha betek 5 eur en abardaez. An dud a fell dezho lakaat o anv evit devezh al Lun a rank pellgomz d'an 02 98 52 06 37

An holl ditouroù : www.myspace.com/andiaoulagan

Voir aussi :

Fête du Parti Breton 2024 par Parti Breton le 12/04/2024
La fête de la Samain, quand le monde des vivants accueille le monde des morts par I.R. le 16/10/2023
La Galerie de Bretagne fête ses 30 ans par Spered Gouez / L'esprit sauvage le 02/07/2023
Fête du Gwenn ha du : tous à Saint-Nazaire le 25 juin par Yvon Ollivier le 07/06/2023
25 juin 2023 : Fête du Gwenn-ha-Du à Saint Nazaire par Koun Breizh le 02/06/2023
La Fête de la Bretagne à la Mairie du 15e par Paris Breton le 09/05/2023
Fergus Garrett invité d'honneur de l'édition de printemps de la Fête des Jardins par CC Evénements le 16/04/2023
Atlantyka fête ses 30 ans à Quimper/Kemper par Atlantyka le 31/03/2023
La fête de Beltaine à Carhaix par Institut Culturel de Bretagne le 16/03/2023
Fête de la Bretagne 2023 : et les lauréats sont… par CESER BRETAGNE le 06/03/2023

Gwelout pennadoù all Ti ar Vro Kemper

Vos 0 commentaires :

Commenter :

Put your name here

ABP

Embann

Nous suivre