« Akademiezh yezhoù keltiek

- Communiqué de presse -

« Akademiezh yezhoù keltiek » Mozilla

An emvod etrekeltiek kentañ aozet gant Mozilla (a ra war-dro Firefox) zo degouezhet e derou miz Meurzh 2015 e Bangor e Bro Gembre. Pedet e oa pare an Drouizig. Alan Monfort

Denis Arnaud pour An Drouizig le 1/05/15 11:52

An emvod etrekeltiek kentañ aozet gant Mozilla (a ra war-dro Firefox) zo degouezhet e derou miz Meurzh 2015 e Bangor e Bro Gembre. Pedet e oa pare an Drouizig.

Alan Monfort ha Gwenn Meynier o deus kemeret perzh ennañ. Labourioù renet e brezhoneg a oa derc'houezet ganto.

Meur a bal a oa gant an devezhioù-se, en o zouez :

- Bezañ divar e oa kempennet hag hizivaet kaer ar raktresoù kefridiel evit an iwerzhoneg, ar skoseg, ar c'hembraeg hag ar brezhoneg.

- Lañsañ ar pakadoù yezh kentañ evit ar skoteg hag ar manaveg.

- Komz diwar-benn diorren pep raktres treiñ

- Aozañ ur frammad amzer ratreañ evit pep yezh en ur lakaat un anv war an dud a yay war hor lec'h (mar bez tud), en ur venegiñ al loazioù yezh (stlennvonioù termenoù, kenemglevioù ha sturioù a-fet stil).

- Krouiñ « Akademiezh ar Yezhoù Keltiek » diazezet war ar strollad tud a oa eno a-benn despizañ sturioù evit an droourion a zo e kreiz skipailhoù bihan e l10n.

- Diskouez doareoù pleustriñ war an treiñ (L10n), deskiñ hentennoù treiñ disheñvel ha dizoleiñ ostilhoù efedus ha pleustrek.

E-pad an devezhioù-se hon eus taolet meiz e oa diaesoc'h al labour evit ar yezhoù all eget evit ar brezhoneg e-keñver ar c'heriaoueg. Ret eo d'ar skipailhoù iwerzhonek ha skosek krouiñ o gerioù o unan. N'o deus ket ur strollad evel Preder evit ober al labour-goveliañ-mañ. Ha n'int ket skoret gant ar pennadurezhioù foran kennebeut. E brezhoneg hon eus tennet korvo eus al labourioù ramzel kaset da benn gant tud a sav gerioù abaoe François Vallée, Roparz Hemon, izili SADED ha Preder.

War an tu all ez eo skoret kreñv ar re a labour evit ar c'hembraeg. Binvioù stlennegel e-leizh o deus krouet gant skoazell o fennadurezhioù. Skoret eo an enklask skolveurel evit ar c'hembraeg (niverelaat levrioù, sevel binvioù da reiñ urzhioù d'ur robot gant e vouezh, meziantoù treiñ emgefreek, h.a.). Efedus eo bet al leviadurezhioù evit kreskaat arver ar c'hembraeg : panelloù hent divyezhek e pep lec'h ha dreist-holl an dud a gomz kembraeg war ar straedoù, er stalioù, en o buhez pemdeziek.

Voir aussi :

Pezh-c’hoari e brezhoneg : Traez Gwaremm par Marie-Noelle Rinquin le 02/05/2024
Ar Redadeg d'an 18 a viz Mae 2024 evit ar brezhoneg - Course pour la langue bretonne Rallye par Ar Redadeg le 28/04/2024
Alan Stivell, ur vuhez etrekeltiek - Pennad Kaoz par BREZHOWEB le 24/04/2024
Ar vuhez a-dreñv ar brezel e Bro-Israel - Pennad Kaoz par BREZHOWEB le 13/03/2024
Sikouriñ an evned 'pad ar goañv ! par BREZHOWEB le 23/02/2024
Peseurt plas evit ar brezhoneg 'ba bed ar vell-droad ? par BREZHOWEB le 21/02/2024
" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024

Créée en 2003, l'association An Drouizig a pour but de développer l'usage de la langue bretonne dans le domaine des nouvelles technologies. Mozilla Firefox, ainsi que d'autres grands standards du logiciel libre comme son compagnon idéal, le logiciel de messagerie Mozilla Thunderbird ou encore la suite bureautique LibreOffice, les logiciels Gimp, Inkscape, Scribus sont également disponibles en breton.

Gwelout pennadoù all An Drouizig

Vos 2 commentaires :

Rafael Le Samedi 2 mai 2015 13:25

Meneg ebet eus ar c'herneveureg en emvod-se eta ? Dre ziouer a zarempred gant stourmerion ar vro-se ?

(0)

Gwenn Le Dimanche 3 mai 2015 13:37

Siwazh ne oa gouest Kerneveurad ebet da vont d'an emvod, met ur raktres a zo ganto evit troidigezh meziantoù Mozilla.

(0)

Commenter :

Put your name here

ABP

Embann

Nous suivre