Kemper, label 1 : war-du al label 2 a-benn 3 bloaz.

- Communiqué de presse -

Label live 1 ar garta Ya d'ar brezhoneg a zo bet roet gant an It. Lena Louarn, prezidantez Ofis ar Brezhoneg, d'an Ao. Alain Gérard, senedour-maer Kemper, evit 6 ober kaset da benn vat c'hoazh gant ar gumun e-pad ar bloavezhioù tremenet. El lid a oa bet dalc'het en ti-kêr

Visant Roue Par Office de la Langue Bretonne le 8/02/08 16:06

El lid a oa bet dalc'het en ti-kêr d'ar 6 a viz C'hwevrer e oa ivez Isabelle Le Bal, eilmaerez e karg eus ar sevenadur, izili ar C'huzul-kêr, kalz a vrezhonegerien ha tud eus ar vro.

5 ober all a zo bet dibabet a ranko bezañ sevenet dindan 3 bloaz a-benn tizhout live 2 ar garta. Gant kêr Kemper ez eus bet labouret kalzik evit diorren ar panellerezh divyezhek.

Un nebeud panelloù a rank bezañ cheñchet c'hoazh amañ hag ahont hag evit kenderc'hel gant ar strivoù bet graet betek-henn e vo divyezhek adalek bremañ kement panell nevez dre ret.

A-hend all e vo kendalc'het da skoazellañ an hentadoù divyezhek, ar pezh a ra Kemper abaoe bloavezhioù dija ha da ginnig stummadurioù war ar brezhoneg da implijidi an ti-kêr. Kemper a gemero perzh ivez er c'houlzad brudañ evit ar c'helenn brezhoneg d'an dud deuet.

Eus un tu all, ar c'hartennoù-pediñ hag ar c'hartennoù-bizit embannet a vo divyezhek hiviziken koulz ha pennad-stur kazetenn an Ti-kêr.

Ur gevrat kefridi a zo bet sinet ivez etre kêr-benn Kerne hag Ofis ar Brezhoneg a c'hello e-giz-mañ he skoazellañ hag he aliañ da gas da benn an oberoù dibabet e-pad ar prantad amzer dibabet.

Gwelout pennadoù all Office de la Langue Bretonne

Vos 0 commentaires :

Commenter :

Put your name here

ABP

Embann

Nous suivre